LAJMI I FUNDIT:

Një grua tenton të vetëdigjet në Suharekë

Një grua tenton të vetëdigjet në Suharekë

Pas mosmarrëveshjes me bashkëshortin, një grua në Suharekë ia ka vënë zjarrin banesës, ndërsa është ngujuar vetë brenda. Policia e ka thyer derën dhe e ka shpëtuar 59-vjeçaren, por ajo ka marrë lëndime të rënda.

Policia e Kosovës ka njoftuar se një grua 59-vjeçare ka pësuar lëndime të rënda, nga një zjarr që ka shpërthyer në banesën e saj, në një ndërtese në qendër të Suharekës.

Zjarri besohet se është shkaktuar qëllimisht nga vetë viktima, me një bombolë gazi, duke tentuar t’i japë fund jetës.

Zëdhënësi i policisë për rajonin e Prizrenit, Hazir Berisha, i tha Gazetës Jeta në Kosovë se nga hetimet e para besohet se 59-vjeçarja kishte tentuar të vetëvritej, pas një mosmarrëveshjeje me bashkëshortin.

Fqinjët e kanë thirrur policinë, duke thënë se një zjarr ishte shkaktuar nga një grua, banore e ndërtesës dhe se ajo nuk i lejonte t’i ndihmonin ta shuante zjarrin, por ua kishte mbyllur derën.

Policia ka shkuar menjëherë në vendin e ngjarjes. Me këtë rast, një polic është detyruar ta thyejë derën, duke rrezikuar dhe jetën e vet.

“Polici ka arritur ta shpëtojë gruan e lënduar rëndë, e cila është dërguar për trajtim mjekësor në Spitalin Rajonal në Prizren”, ka njoftuar zëdhënësi Haziri.

Në vend të ngjarjes kanë dalë edhe zjarrfikësit të cilët kanë arritur ta shuajnë zjarrin.

Nga shpërthimi i bombolës janë dëmtuar dritaret e banesës, të cilat kanë rënë mbi tri vetura të parkuara në parking, duke i dëmtuar ato pjesërisht.

Hetuesit e policisë së Suharekës, bashkë me krim teknikën, po kryejnë hetimet. /Telegrafi/

Në trend Lajme

Më shumë
Pse Mali i Zi votoi kundër Kosovës në KiE, flet Dritan Abazoviq

Pse Mali i Zi votoi kundër Kosovës në KiE, flet Dritan Abazoviq

Lajme
Aktivitete nga Serbia për sulm “hibrid” ndaj Kosovës,

Aktivitete nga Serbia për sulm “hibrid” ndaj Kosovës, "Octopus": Urgjentisht të koordinohen veprimet me ndërkombëtarët

Siguri
Aktivisti i PSD-së i shkon në tavolinë deputetit të LVV-së: A po ju vjen marre që e pranuat

Aktivisti i PSD-së i shkon në tavolinë deputetit të LVV-së: A po ju vjen marre që e pranuat "Zajednicën", për Këshillin e Evropës...

Lajme
Vrasjet e fundit, ekspertët tregojnë lagjet më problematike të Prishtinës

Vrasjet e fundit, ekspertët tregojnë lagjet më problematike të Prishtinës

Siguri
Votimi i Malit të Zi kundër Kosovës në KiE, Gjeloshaj: Qëndrimin tonë do ta japim kur të votohet në Këshillin e Ministrave

Votimi i Malit të Zi kundër Kosovës në KiE, Gjeloshaj: Qëndrimin tonë do ta japim kur të votohet në Këshillin e Ministrave

Lajme
Nga 3 prilli gjoba të larta për shkelësit e rregullave në trafik - këto janë ndryshimet me Ligjin e ri

Nga 3 prilli gjoba të larta për shkelësit e rregullave në trafik - këto janë ndryshimet me Ligjin e ri

Lajme
Kalo në kategori