Gjykata Themelore në Prishtinë u ka caktuar nga një muaj paraburgim dy shtetasve të Malit të zi, një të Serbisë dhe një shtetaseje të Kosovës të cilët u arrestuan parmbrëmë në lagjen Kalabria në Prishtinë.
M.M, GJ.P, S.D dyshohen se kanë kryer veprat penale mbajtja në pronësi, kontroll ose posedim të paautorizuar të armëve dhe blerje, posedim, shpërndarje dhe shitje e paautorizuar e narkotikëve, substancave psikotrope dhe analoge.
Ndërsa e dyshuara L.Z për shkak të veprës penale falsifikimi i parasë.
Njoftimi i plotë:
Gjykata Themelore në Prishtinë ka aprovuar kërkesën e Prokurorisë Themelore në Prishtinë, për caktimin e masës së paraburgimit kundër të pandehurve M.M, GJ.P, S.D për shkak të dyshimit të bazuar se kanë kryer veprat penale: Mbajtja në pronësi, kontroll ose posedim të paautorizuar të armëve nga neni 374 të KPK-së dhe Blerja, posedimi, shpërndarja dhe shitja e paautorizuar e narkotikëve, substancave psikotrope dhe analoge nga neni 273 të KPK-së dhe kundër të pandehurës L.Z për shkak të veprës penale Falsifikimi i parasë në bashkëkryerje nga neni 302 par.2 lidhur me nenin 31 të KPRK-së.
Të pandehurve M.M, GJ.P, S.D dhe L.Z iu është caktuar masa e paraburgimit në kohëzgjatje prej një (1) muaji, nga dt.18.07.2018 deri me dt. 18.08.2018.
Ekziston dyshimi i bazuar se katër të pandehurit me datë 18.07.2018 rreth orës 19:20, në lagjen Kalabria në Prishtinë, pas një kontrolli policor në bazë të informacioneve të personave në kërkim ndërkombëtar se gjenden në banesat e Lesnës, Policia e Kosovës e kishte bastisur atë rajon dhe në një automjet “Mercedes ML” ngjyrë e zezë, ku ishte i pandehuri M.M kanë gjetur një pistoletë CZ99, ndërsa tek të pandehurit GJ.P dhe L.Z janë gjetur 101 fishekë 9 mm, një pistoletë CZ99, substancë e dyshuar narkotike e llojit marihuanë, me peshë 25.3 gram dhe letër për mbështjellje të narkotikëve. Pastaj nga bastisja në vendin ku ishte duke banuar S.D janë gjetur substanca narkotikë me peshë 2.1 kg.
Me këtë kanë kryer veprën penale Mbajtja në pronësi, kontroll ose posedim të paautorizuar të armëve nga neni 374 të KPK dhe Blerja, posedimi, shpërndarja dhe shitja e paautorizuar e narkotikëve, substancave psikotrope dhe analoge nga neni 273 të KPK-së.
Gjykata ka konstatuar se kërkesa për caktimin e masës së paraburgimit kundër katër të pandehurve është masë adekuate dhe e domosdoshme në këtë fazë të procedurës, për sigurimin e pranisë së tyre në procedurën penale dhe zhvillimin e pa penguar të procedurës, pasi që ekzistojnë rrethana që tregojnë rrezikun se, të njëjtit mund të përsërisin veprat penale të llojit dhe natyrës së njëjtë apo të ndryshme, duke marrë për bazë peshën e veprave penale, karakteristikat e tyre personale dhe rrethanat në të cilat të njëjtit kanë vepruar në vazhdimësi.
Palët kanë të drejtë ankese kundër këtij vendimi në Gjykatën e Apelit të Kosovës. /Telegrafi/
Promo
Reklamo këtuLufta Prigozhin - Putin
Më shumëU gjuajtën me armë derisa ishin në veturë, detaje nga rasti që ndodhi në Prishtinë
Policia serbe e dërgon në paraburgim mërgimtarin nga Gjakova që e arrestoi në kufi
Gazeta ukrainase: Pse vendimi i Asamblesë Parlamentare të Këshillit të Evropës për Kosovën është humbje historike për Serbinë
Arrestimi i zv.drejtorit të Policisë së Kosovës, analistët në Beograd: "Shfaqja e muskujve" nga Vuçiqi
Maqedonci ngre alarmin: Tensionet vazhdojnë, Serbia nesër do të testojë dronë kamikazë në kufi me Kosovën
Kosova bëhet me 445 policë të rinj - deklarata e presidentes, kryeministrit dhe pamje nga ceremonia
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Çfarë janë retë artificiale dhe a shkaktuan përmbytjet e mëdha në Dubai?
Gazeta ukrainase: Pse vendimi i Asamblesë Parlamentare të Këshillit të Evropës për Kosovën është humbje historike për Serbinë
“Vetëm një skuadër në Evropë është më e mirë se Bayern Munich” – legjenda e bavarezëve flet për Tuchel dhe ecurinë e klubit
Parandalohet vrasja e Volodymyr Zelenskyt - arrestohet shtetasi polak që bashkëpunonte me rusët
Zyrtare: Serie A do të ketë pesë skuadra në Ligën e Kampionëve për sezonin 2024/25
Policia serbe e dërgon në paraburgim mërgimtarin nga Gjakova që e arrestoi në kufi