Nesër në orën 12:00 para Inspektoratit të Bashkisë së Shkupit qytetarët me moton “Është koha për ajër të pastër” do të protestojnë kundër ndotjes së ajrit. Kërkesat e tyre janë që të merren masa për zgjidhjen e këtij problemi.
Organizatorët ju bëjnë thirrje qytetarëve që të dalin në protesta, duke shtuar se ato nuk organizohen nga asnjë parti politike, përcjell Telegrafi Maqedoni.
“Të ngrihemi për ajër të pastër. Për ne, për ty, për mua, për shtëpitë tona, për fëmijët tanë. Protesta nuk është e organizuar nga partitë. Është e oganizuar nga unë, nga ti, nga gjithë ne”, thonë organizatorët në rrjetet sociale.
Përndryshe, gjatë ditës së djeshme zv.ministri i Mjedisit Jetësor Jani Makraduli, njoftoi se qeveria ka rritur buxhetin për problemin e ndotjes së ajrit dhe theksoi se për qeverinë do të jetë prioritet ky problem./Telegrafi/