Rangersi fitoi me rezultat 4-2 në udhëtim te Kilmarnoku në kuadër të xhiros së 28-të të kampionatit elitar të Skocisë.
Ndeshja solli një përmbysje spektakolare, ku Nedim Bajrami luajti një rol kyç duke shënuar golin e katërt të skuadrës së tij, pesë minuta para fundit.
Bajrami hyri në fushë në minutën e 78-të dhe vetëm shtatë minuta më vonë la gjurmë në ndeshje.
Me një goditje të shpejtë në zonë, ai siguroi që Rangersi të largohej me tre pikë të rëndësishme.
⚽️ GOAL: Bajrami 🥳
🏴 Kilmarnock 2-4 Rangers
— Footballnus (@footballnus) February 26, 2025
Ky gol është i dyti i tij në këtë sezon në elitën skoceze, ku ai ka regjistruar gjithashtu një asistim.
Me këtë fitore, Rangersi mbetet i vendosur në vendin e dytë të tabelës me 59 pikë, duke ndjekur Celticun, i cili drejton klasifikimin me 72 pikë. /Telegrafi/