Ministria e Shëndetësisë thotë se 21 qytetarë të prekur me Covid-19 kanë humbur jetën, ndërsa nga 3805 testime të kryera, 952 prej tyre kanë rezultuar pozitivë.

Në katër spitalet COVID në Tiranë dhe tre spitalet rajonale po trajtohen 662 pacientë, 49 në terapi intensive, nga të cilët 14 janë të intubuar.

Gjithashtu listës së të shëruarve i janë shtuar edhe 804 qytetarë, duke e çuar numrin në total në 69,773, që nga fillimi i pandemisë.

Qarku më i prekur në vend është Tirana, e cila kryeson listën si për rastet pozitive ashtu dhe për numrin e viktimave nga Covid-19.

Shpërndarja gjeografike e rasteve aktive sipas qarqeve:
Tiranë 22887
Fier 2667
Durrës 1680
Vlorë 1746
Shkodër 1373
Gjirokastër 1075
Berat 844
Korçë 914
Elbasan 876
Lezhë 826
Dibër 374
Kukës 336.

Që nga fillimi i pandemisë në Shqipëri numërohen zyrtarisht 1 796 humbje jete, ndërkohë autoritetet shëndetësore kanë përsëritur vazhdimisht apelin drejtuar qytetarëve, ku u kërkojnë të respektojnë me korrektësi masat anti-covid.