LAJMI I FUNDIT:

Në listat e votuesve, 300 mijë persona pa adresë të saktë

Në listat e votuesve, 300 mijë persona pa adresë të saktë

Raporti për listën e zgjedhësve, paraqitur në Komisionin Qendror të Zgjedhjeve, vëren disa probleme të cilat fillojnë me ritmin e ngadaltë të pastrimit të dublimeve, edhe pse numri nuk është i madh.

Armand Teliti, një prej autorëve të auditimit, problemin më të madh e sheh tek adresat e zgjedhësve.


“10 për qind e listës së zgjedhësve, afro 300 mijë votues, nuk kanë kodin e banimit. Që do të thotë se e kanë kodin e banimit të paidentifikuar”, thotë Teliti.

Teliti rrezikun e sheh edhe tek pamundësia e tyre për të votuar në zgjedhjet e ardhshme, pasi sipas tij, pushteti vendor nuk e di se ku ata banojnë dhe nuk mund t’i lajmërojë se ku të votojnë.

Në këto zgjedhje, për herë të parë do ketë persona që do t’u hiqet e drejta e votimit. Jane të paktën 1.900 raste, por për audituesin e KQZ-së, procesi ka defekt.

“Duhet të ketë një bashkëpunim më të mirë mes Drejtorisë së Përgjithshme të Burgjeve dhe asaj të Gjendjes Civile, në mënyrë që këta persona të bllokohen në sistem, siç e parashikon ligji”, thotë Teliti.

Top Channel: Ka një rënie të numrit të votuesve, nga se ka ardhur?

Teliti: Rënia e votuesve ka ardhur nga vdekjet natyrale, që janë një proces normal. Në janar 2017 ka patur rreth 3 mijë vdekje, që llogaritur në një total prej 21 mijë vdekjesh tregon se muaji janar ka qenë një muaj shumë i keq.

Top Channel: Ndërsa në terren po zhvillohet një projekt për popullimin, për të mbledhur të dhënat e adresave të të gjithë shtetasve, audituesi shikon edhe këtu një probem?

Teliti: Që verifikimet e kryera nga këto grupe personash që po shkojnë derë më derë, përpara se të bëhen pjesë integrale e sistemit kombëtar të gjendjes civile, duhet të verifikohen mirë, në mënyrë që të mos e prishin më shumë nga ç’është sistemin e adresave në Shqipëri.

Top Channel: A mund të zgjidhen këto problematika deri më 18 qershor?

Teliti: Natyrisht që çështja e adresave nuk zgjidhet dot përpara datës 18 qershor. /tch/

Në trend Lajme

Më shumë
U tregua e ashpër ndaj Vuçiqit në Këshill të Sigurimit - reagime të shumta në mbështetje të përfaqësues së Maltës

U tregua e ashpër ndaj Vuçiqit në Këshill të Sigurimit - reagime të shumta në mbështetje të përfaqësues së Maltës

Lajme
Joseph: Supriza e KS-së ishte se Kosova dhe Rusia u pajtuan për rëndësinë e fushatës ajrore të NATO-s, Putin e ka hedhur Serbinë nën autobus

Joseph: Supriza e KS-së ishte se Kosova dhe Rusia u pajtuan për rëndësinë e fushatës ajrore të NATO-s, Putin e ka hedhur Serbinë nën autobus

Lajme
Këshilli i Etikës rekomandon pezullimin e punës së Xhevat Krasniqit nën dyshimin për ngacmim seksual

Këshilli i Etikës rekomandon pezullimin e punës së Xhevat Krasniqit nën dyshimin për ngacmim seksual

Lajme
Parlamenti Evropian miraton heqjen e vizave për shtetasit e Kosovës që kanë pasaporta të Serbisë

Parlamenti Evropian miraton heqjen e vizave për shtetasit e Kosovës që kanë pasaporta të Serbisë

Lajme
Një shqiptar humb jetën në një aksident trafiku në Itali

Një shqiptar humb jetën në një aksident trafiku në Itali

Kronika e Zezë
BE-së i kërkohet largimi i masave sanksionuese ndaj Kosovës, analistët tregojnë se çfarë ndodhë pas procesit që dështoi në veri

BE-së i kërkohet largimi i masave sanksionuese ndaj Kosovës, analistët tregojnë se çfarë ndodhë pas procesit që dështoi në veri

Mirjeta Hajzeraj
Kalo në kategori