Ndërsa virusi rritet fshehurazi, krijuesit e vaksinave rishikojnë planet e betejës

Ndërsa coronavirusi merr forma të reja ngjitëse në të gjithë botën, dy prodhues të ilaçeve raportuan se vaksinat e tyre, megjithëse janë ende efektive, ofrojnë më pak mbrojtje ndaj një varianti dhe filluan rishikimin e planeve për të larguar një patogjen në zhvillim që ka vrarë më shumë se dy milion njerëz.

Lajmet nga Moderna dhe Pfizer-BioNTech nënvizuan një realizim nga shkencëtarët se virusi po ndryshon më shpejt nga sa mendohej, dhe mund të vazhdojë të zhvillohet në mënyra që e ndihmojnë atë të evitoj vaksinat që vendosen në të gjithë botën.

Njoftimet mbërritën edhe kur Presidenti Biden ndaloi udhëtimin në Shtetet e Bashkuara nga Afrika e Jugut, me shpresën për të ndaluar përhapjen e një varianti. Dhe Merck, një kompani udhëheqëse e ilaçeve, të hënën braktisi dy vaksina eksperimentale të coronavirusit, duke thënë se ato nuk prodhuan një përgjigje imune mjaft të fortë kundër versionit origjinal të virusit, shkruan The New York Times.

Moderna dhe Pfizer-BioNTech thanë të dy vaksinat e tyre ishin efektive kundër varianteve të reja të coronavirusit të zbuluar në Britani dhe Afrikën e Jugut. Por ato janë pak më pak mbrojtëse ndaj variantit në Afrikën e Jugut, e cila mund të jetë më e aftë në shmangien e antitrupave në qarkullimin e gjakut.

Vaksinat janë të vetmet të autorizuara për përdorim urgjent në Shtetet e Bashkuara.

Si një masë paraprake, Moderna ka filluar zhvillimin e një forme të re të vaksinës së saj që mund të përdoret si një goditje përforcuese kundër variantit në Afrikën e Jugut. “Ne jemi duke e bërë atë sot për të qenë përpara kurbës, nëse do të na duhej”, tha Dr. Tal Zaks, zyrtari kryesor mjekësor i Moderna, në një intervistë. “Unë e mendoj atë si një politikë sigurimi.”

“Unë nuk e di nëse kemi nevojë për të, dhe shpresoj se nuk kemi nevojë”, shtoi ai.

Dr. Ugur Sahin, shefi ekzekutiv i BioNTech, tha në një intervistë se kompania e tij po fliste me rregullatorët në të gjithë botën për llojet e provave klinike dhe rishikimet e sigurisë që do të kërkoheshin për të autorizuar një version të ri të vaksinës Pfizer-BioNTech, kjo do të ishte mundësi më e mirë për të larguar llojin e ri të COVID-19 në Afrikën e Jugut. /Telegrafi/