Miliona doza të vaksinave të coronavirusit duket se mungojnë pasi u dërguan në disa shtete të SHBA-së nga administrata Donald Trump.

Sipas Daily Beast dhe burimeve brenda administratës së Bidenit, mund të ketë pothuajse 20 milionë doza që mungojnë pasi ato u dërguan në shtete e mëparshme.

Qendrat Amerikane për Kontrollin dhe Parandalimin e Sëmundjeve (CDC) thonë se 41.1 milionë doza janë dërguar në shtete që nga muaji i kaluar, por vetëm 22.7 milion amerikanë kanë marrë një dozë, raporton theinpendent.

Dr. Craig Spencer, një mjek i urgjencës në Spitalin Presbyterian të New Yorkut, shtoi se duket se kishte “joefikasitet të jashtëzakonshëm” me shpërndarjen e vaksinave në Shtetet e Bashkuara, me disa shtete madje që raportuan mungesa.

“Ajo që po shohim tani është joefikasitet i jashtëzakonshëm. Ju keni qytete që anulojnë takimet e vaksinimit ndërsa të dhënat thonë se ata ende nuk kanë administruar një pjesë të madhe të vaksinës që u është dërguar atyre”, tha mjeku. /Telegrafi/