Në Mitrovicë sonte është paraqitur një rast i ri me coronavirus.

Nënkryetari Faruk Mujka thotë për RTV Dukagjinin se i infektuari i ditës së sotme është rast kontakti nga të prekurit e Vushtrrisë.

“Me Vushtrrinë Mitrovica ka shumë lidhje miqësore, prandaj është shumë e rëndësishme për ne shëndeti në Vushtrri”, tha ai, përcjell Telegrafi.

Mujka ka thënë se në Mitrovicë momentalisht janë shtatë raste aktive, por shton se ka shpresë që ky numër nesër të zvogëlohet.

“Nesër do të kemi ritestimin e pesë pacientëve që kanë qenë të diagnostifikuar para një muaji. Ne besojmë se nga nesër në Mitrovicë do të mbesin vetëm 2 raste aktive”, tha ndër të tjera Faruk Mujka./Telegrafi/