LAJMI I FUNDIT:

Mufa, i preferuari i politikës për Drejtor Gjeneral të RTK-së

Mufa, i preferuari i politikës për Drejtor Gjeneral të RTK-së

Radio Televizioni i Kosovës (RTK), po kalon nëpër një situatë, ku deri në fund të muajit të parë të vitit të ardhshëm do të ketë një ekip të ri drejtues. Drejtorit Gjeneral të tanishëm, Sylejman Shaqiri, po i përfundon mandati dhe kjo ka bërë që klane të caktuara të shfaqin ashpër ambicie për të marr drejtimin e institucionit më të madh medial në vend.

Konkursi për Drejtorin Gjeneral të RTK-së pritet që të shpallet më së largu nga mesi i javës së ardhshme. Këtë, për reporteri.net, e ka konfirmuar edhe Kryetari i Bordit të RTK-së, Rrahman Paçarizi, i cili ka thënë se procedurat për përpilimin e këtij konkursi tanimë janë në fazën finale.

“Në fillim, ose më së largu nga mesi i javës së ardhshme do ta hapim konkursin”, ka thënë Paçarizi.

Burime të reporteri.net, brenda bordit të RTK-së, por edhe brenda Komisionit për Media në Kuvendin e Kosovës, tregojnë se politika do të vazhdojë të ketë ndikimin e saj në shtëpinë e vetme publike të medias në vend.

Edhe pse konkursi për Drejtor Gjeneral të RTK-së ende nuk është hapur, kandidati për këtë pozitë, thuajse është përzgjedhur. E ai, sipas këtyre burimeve, është kryeredaktori i ri i RTK-së, Mufail Limani. Përzgjedhja e tij për kryeredaktor edhe pse ishte kundërshtuar nga sindikata e RTK-së, nuk kishte mundur ta ndalojë atë të jetë në atë pozitë, duke treguar qartë se ai gëzon një mbështetje te ata që nga jashtë vendosin për mediumin e vetëm publik në vend.

Në anën tjetër, Kryetari i Bordit të Radio Televizionit të Kosovës (RTK), Rrahman Paçarizi, ka thënë se bordi do të bëjë përzgjedhjen e kandidatëve më të mirë, e në fund edhe do të marr vendim se kush do ta drejtojë RTK-në në mandatin e ardhshëm, në bazë të ligjit, i cili obligon atë të jetë i pavarur në vendime.

“Unë personalisht e as anëtarët tjerë të bordit, nuk di të kenë marrë ndonjë sugjerim nga politika apo dikush tjetër se kush duhet të jetë Drejtor i Përgjithshëm i RTK-së. Neve ligji na obligon që përzgjedhjen ta bëjmë në bazë të kritereve të caktuara për kandidatin më të mirë e jo në bazë të interesave politike të kujtdo çofshin ato”, ka thënë Paçarizi, duke shtuar se prapë e drejta e votës për secilin anëtarë të bordit është individuale dhe i takon secilit që të marrë përgjegjësinë për votën e tij.

Reporteri.net ka provuar të kontaktojë edhe kryeredaktorin e RTK-së, Mufail Limani, nëse ai do të kandidojë për Drejtor Gjeneral, por nuk ka qenë i mundur kontakti me të. /Telegrafi/

Në trend Lajme

Më shumë
Pse Mali i Zi votoi kundër Kosovës në KiE, flet Dritan Abazoviq

Pse Mali i Zi votoi kundër Kosovës në KiE, flet Dritan Abazoviq

Lajme
Hamza: Jam më i mirë se Kurti në qeverisje, kam përvojë më shumë se Abdixhiku - Haradinaj s’do të jetë kryeministër

Hamza: Jam më i mirë se Kurti në qeverisje, kam përvojë më shumë se Abdixhiku - Haradinaj s’do të jetë kryeministër

Lajme
Nënkryetarja e PE-së e thotë hapur se BE-ja gaboi me masat ndaj Kosovës, tregon pse po amnistohet Serbia

Nënkryetarja e PE-së e thotë hapur se BE-ja gaboi me masat ndaj Kosovës, tregon pse po amnistohet Serbia

Lajme
Aktivitete nga Serbia për sulm “hibrid” ndaj Kosovës,

Aktivitete nga Serbia për sulm “hibrid” ndaj Kosovës, "Octopus": Urgjentisht të koordinohen veprimet me ndërkombëtarët

Siguri
Tha se ditë të vështira e presin Serbinë, Vuçiq: Nesër ose pasnesër i merrni përgjigjet

Tha se ditë të vështira e presin Serbinë, Vuçiq: Nesër ose pasnesër i merrni përgjigjet

Lajme
Limaj: Nuk duhet të shkojmë në zgjedhje kur dëshiron Kurti

Limaj: Nuk duhet të shkojmë në zgjedhje kur dëshiron Kurti

Siguri
Kalo në kategori