‘Mozaiku.net’ është platforma më e re e dedikuar për promovimin e artistëve dhe kreatorëve të rinj, në fushat: Dizajn i enterierit / Arkitekturë, Dizajn grafik, Dizajn mode, Art, dhe Fotografi.

“Mozaiku” tashmë do të jetë një formë e re e promovimit të artistëve të rinj.

Këtë e ka bërë të mundur Shpat Komoni, i cili ka qenë i ftuar ‘Pasdite’ në Kanal 10, ku edhe e shpalosi idenë e platformës.

Ai ka folur për shërbimet digjitale, duke theksuar se ende po përdoren format tradicionale nga një shumicë e njerëzve.

“Pas 10 deri 20 vitesh të gjitha paratë do të jenë digjitale”, është shprehur Komoni.

Një ‘shtëpi e re’ sipas Shpatit do të jetë në dispozicion edhe për artistët dhe kreatorët e rinj.

Kjo sipas tij do të ndihmojë një pjesë të madhe të popullsisë, pasi gjithçka ka kaluar në mënyrë digjitale. /Telegrafi/