Në ditët në vijim, moti do të jetë i ndryshueshëm dhe kryesisht i qëndrueshëm me temperatura mesatare për këtë periudhë të vitit.
Nga Enti Hidro-Meteorologjik njoftojnë se të dielën pasdite dhe të hënë është e mundur të ketë reshje të shiut, posaçërisht në pjesët perëndimore dhe jug-perëndimore të vendit, përcjell Telegrafi Maqedoni.
Temperaturat minimale do të lëvizin prej 3 deri në 13 gradë celsius, ndërsa temperaturat maksimale do të jenë në intervalin prej 18 deri 27 gradë celsius./Telegrafi/