Mosnjohja e shtetit të Kosovës nga pesë vendet e Bashkimit Evropian vazhdon të jetë shqetësuese.
Shpërfillja e Kosovës gjatë vizitës së kryeministrit spanjoll në Ballkanin Perëndimor dhe mos lëvizja e pozicioneve të Greqisë, Sllovakisë, Rumanisë dhe Qipros për njohjen e Kosovës po i faturohet edhe Qeverisë Kurti. Megjithatë, ky proces ndërlidhet edhe me dialogun Kosovë-Serbi dhe arritjen e marrëveshjes përfundimtare.
Sipas deputetes së AAK-së, Time Kadrijaj, ekzekutivi nuk ka bërë mjaftueshëm në politikën e jashtme për t’iu qasur këtyre vendeve mos njohëse.
Ajo i sheh me dyshime edhe vizitat e shpeshta të kryeministrit Albin Kurti në Greqi, derisa thotë për KosovaPress se ende ky shtet s’ka dhënë sinjale për njohjen e pavarësisë së Kosovës.
“Ne e kemi ngritur si shqetësim, pasi në çdo iniciativë që merr Kosova në arenën ndërkombëtare është pengesë mosnjohja nga pesë vendet anëtare të BE-së. Flitet se qeveria do të aplikojë për anëtarësim në BE, por ne nga zyrtarët e bashkësisë evropiane që kemi pasur kontakte thonë se duhet një konsensus edhe veç me hy në agjendë dhe të njëjtin tha se nuk e kemi.
Sa është punuar në këtë drejtim nga kjo qeveri, nuk është punuar mjaftueshëm dhe s’ka bërë platformë se si t’i qasemi këtyre vendeve… Nuk e di se cila ka qenë arsyeja që zotëri Kurti ka qëndruar në Greqi, a ka qenë për pushime, apo gjitha ato agjenda që i ka thënë, i ka bërë të fshehta.
Është i pakuptimtë qëndrimi i një kryeministri në një vend që se ka njohur pavarësinë e Kosovës dhe që s’ka rezultat. Aq gjatë nuk ka pasur një kryeministër që ka qëndruar. Ne do të ishim gëzuar nëse do të kishte pasur lëvizje pozitive nga këto pesë vende që se kanë njohur pavarësinë e Kosovës”, thotë ajo.
Ndryshe nga kjo, deputeti i Lëvizjes Vetëvendosje, njëherësh kryetar i komisionit për Punë të Jashtme dhe Diasporë, Haki Abazi thotë se njohjet e pesë vendeve të BE-së varen nga dinamikat e brendshme të këtyre shteteve dhe angazhimit të institucioneve të Kosovës.
Ai përmendi edhe raportin e Kosovës me Greqinë, për çka thotë se kjo e fundit ka pasur rol konstruktiv në liberalizimin e vizave dhe MSA-në.
“Pa dashur të lëndoj çfarëdo procesi që është duke ndodhur, kjo bisedë me Greqinë dhe shtetet e tjera mos njohëse është në nivele të ndryshme, varet krejt edhe prej angazhimit tonë dhe dinamikave të brendshme që kanë shtetet, sidomos kur ka fushata elektorale dhe kosto të madhe politike për ndryshim të pozicioneve.
Mendoj se Greqia ka luajtur një rol konstruktiv në ecjen e Kosovës edhe në MSA-në dhe çështje të përkrahjes financiare nga BE-ja, ka qenë partner konstruktiv në procesin e liberalizimit të vizave. Këto bëjnë një kuadër të veprimeve që Greqia ka bërë në mënyrë progresive për përkrahjen e Kosovës.
Se kur dhe çfarë momenti do të vjen njohja e pavarësisë së Kosovës, besoj se është çështje e vendimit të brendshëm të Greqisë, që unë nuk e kisha komentuar fare. Por ne duhet të vazhdojmë të jemi konstruktiv dhe të angazhuar jo vetëm me Greqinë, por edhe me të gjitha vendet që nuk na kanë njohur”, shton ai.
Nga ana tjetër, analisti, Artan Muhaxhiri, thotë se njohja e pesë vendeve të BE-së varet kryesisht nga dinamikat e dialogut Kosovë-Serbi.
“Qëndrimet e pesë vendeve mos njohëse varen krejtësisht nga dinamikat e dialogut. Sa më shumë avancime që të ketë në dialog, aq më shumë përafrohet ideja e arritjes së një marrëveshjeje finale, që do të nënkuptojë edhe njohjen nga pesë vendet dhe anëtarësimin në Kombet e Bashkuara. Në këtë bllokadë në dialog nuk pritet që të ketë ndryshime në qëndrimet e pesë vendeve mos njohëse”, thekson Muhaxhiri.
Gjatë vizitës së tij gjatë kësaj jave në Shqipëri, kryeministri i Spanjës, Pedro Sanchez, përsëriti qëndrimin e shtetit të tij se deklaratat e njëanshme për pavarësi, shkelin të drejtën ndërkombëtare. Megjithatë, shprehu përkrahjen për liberalizimin e vizave për qytetarët e Kosovës. /kp/
Promo
Reklamo këtuLufta Prigozhin - Putin
Më shumëNga Rubrika
MPB: Serbia ka ndaluar sot 10 pjesëtarë të Policisë së Kosovës, pesë nuk janë liruar ende
Mariçiq: Qëndrimi i Maqedonisë për Srebrenicën është qartë i konfirmuar me Deklaratën e Kuvendit të vitit 2010
Zbulohet shifra që u pagua Alma Kaçi për të kryer marrëdhënie seksuale me Safet Gjicin: Ia morën videon me forcë
Qeveria vendosi: 24 prilli dhe 8 maji ditë jo pune për të gjithë qytetarët
Ndalimi i kosovarëve në Serbi, Gërvalla: Vuçiqi nisi t’i jetësojë kërcënimet pas votimit për anëtarësimin e Kosovës në KiE
"Zyrtarja e Policisë së Kosovës ende është duke u intervistuar nga policia serbe", flet pasagjeri i autobusit "Bici Com" që po mbahet në kufirin Serbi-Hungari
Kërkesë për interpelancë në parlamentin e Zvicrës për Kosovën - këto janë pikat që pritet të diskutohen
Bujar Osmani: Kam më shumë informacione mbi Banjskën, do ta informoj Qeverinë
Zëvendësdrejtori i Policisë së Kosovës dërgohet në Rashkë, Qalaj: BIA serbe do t’i bëjë presion për informata sekrete
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Deputetët e shteteve që votuan kundër anëtarësimit të Kosovës në KiE
Xavi e tepron me fjalët që ia ka thënë gjyqtarit pas eliminimit të Barcelonës nga Liga e Kampionëve
“Dashuria e madhe ndaj Edit ia mori jetën, vajzat e panë të gjakosur”, flet familjarja e gruas që u vra në Pejë nga bashkëshorti
Reagon më në fund Akil Gjakova
Parashikimi i 'çmendur' i Jose Mourinhos për fundin e Ligës Premier po del i saktë
Avokati serb ironizon me presidentët serbë, tregon ku ikën ata kur Kosova shpalli pavarësinë dhe sot kur u votua për anëtarësim në KiE