Serbia ka marrë “1247 artefakte të koleksionit të muzeut publik janë marrë nga Muzeu Kombëtar i Kosovës gjatë kohës së luftës (1998-99) nga Akademia serbe e Shkencave.

Pothuajse 24 vjet më pas, koleksioni ende mbahet padrejtësisht dhe ilegalisht në muzetë e Beogradit.

Sipas marrëveshjes origjinale (Libri i Kthimit), artefaktet janë marrë për ekspozim të përkohshëm, por ende nuk janë kthyer në Muzeun Kombëtar të Kosovës, atij të cili i takojnë.

Ndërkaq, Ministria e Kulturës është duke zhvilluar kampanjë të vazhdueshme për kthimin e artefakteve në Kosovë.

Përmes llogarisë zyrtare në rrjetin social Twitter, kjo ministri publikon me fotografi të gjitha artefaktet, përfshirë mbishkrimin për veçoritë e tyre.

Reklama

MRSK thotë se Serbia po shkel konventat e UNESCO-s.

“Duke vepruar kështu, Serbia po shkel@Unesco Konventat, marrëveshjet origjinale për kthim dhe dokumenti i Ahtisaarit. Republika e Kosovës kërkon kthimin e tyre në vendin e origjinës”, thuhet në reagimin në Twitter.

Reklama

Më 19 maj, vet ministri i Kulturës, Rinisë dhe Sportit i Qeverisë së Kosovës, Hajrulla Çeku kishte publikuar në Twitter kërkesën e Muzeut Kombëtar të Kosovës drejtuar dy muzeve në Beograd.

Çeku ka thënë se është për keqardhje që Serbia mban në mënyrë të paligjshme artefaktet e Kosovës.

“Kjo është një shkelje e qartë e marrëveshjeve origjinale, konventës së UNESCO-s mbi pasurinë kulturore dhe Planit të Ahtisaarit. Sot kërkuam zyrtarisht kthimin e pronës sonë kulturore”, kishte shkruar ministri Çeku në Twitter.

Reklama

Ndryshe, nga ky thesar i artefakteve, deri me tani Kosovës i është kthyer vetëm një prej tyre, “Hyjnesha në Fron”, e cila një eksponat që daton nga mijëvjeçari i katërt para Krishtit dhe e cila u gjet në vitin 1956 në lokalitetin “Tjerrtorja” të Prishtinës./Telegrafi/

Reklama