Mirëpritet rihapja e sektorit të gastronomisë

Me fillimin e fazës së tretë të lehtësimit të masave është bërë rihapja e tërësishme e gastronomisë

Kryetari i Shoqatës së Gastronomëve të Kosovës, Petrit Kllokoçi ka bërë të ditur për RTV Dukagjinin se gjatë faze lokalet duhet të funksionojnë në bazë të disa rregullave.

“Së pari duhet të respektohet distanca mes tavolinave që duhet të jetë së paku 1.5 metër. Dezinfektuesi i lëngshëm duhet të jetë prezentë dhe të jetë i qasshëm për klientët. Stafi është mirë te mbajnë maska ndërsa për doreza nuk janë të obliguar. Një tjetër masë është që menytë të mos jenë prezentë në tavolina ose të jenë njëpërdorimëshe”, tha Kllokoçi përcjell Telegrafi..

Pronarë të bizneseve thonë se tashmë janë bërë përgatitjet për të filluar punën.

“Procesi i përgatitjes ka shkuar mirë. Kemi thirr edhe punëtorët. Tash po shpresojmë se do të shkojë puna mirë”, shprehet një tjetër pronar biznesi.

Pjesëtarë të tjerë të sektorit të gastronomisë thonë se një vendim për rihapje ka qenë i nevojshëm për shkak të humbjeve që kanë pësuar.

Kujtojmë që gjatë javës pritet të rivlerësohet hapja e kufijve, aeroporteve, banjove, panaireve apo klubeve të natës./RTV Dukagjini/Telegrafi/