Mësimdhënësit në Maqedoni kërkojnë të shkurtohen orët e të zgjaten pushimet
Mësimdhënësit në Maqedoninë e Veriut po kërkojnë që të shkurtohen orët mësimore, pasi në shumë shkolla nuk ka kushte që të respektohen protokollet shëndetësore për mbrojte nga COVID-19, në bazë të cilave parashihet që numri maksimal i nxënësve në një klasë, të mos jetë jo më shumë se 24.
Plenumi i mësimdhënësve, kërkon që të shkurtohet kohëzgjatja e orëve me prezencë fizike, nga 45 në 30 minuta, pasi siç kanë sqaruar, mësuesit kanë vështirësi të mëdha në kryerjen e mësimit në ambiente të mbyllura, ndërkohë që duhet të respektojnë të gjitha protokollet e përcaktuara nga Komisioni për Sëmundjet Infektive, ku mbajtja e maskës është e detyrueshme gjatë tërë kohës si dhe sigurimi i distancës mes nxënësve.
Kësaj iniciative i është bashkuar edhe Sindikata e Arsimit, Shkencës dhe Kulturës.
Kryetari i Sindikatës së Arsimit, Shkencës dhe Kulturës, Jakim Nedellkov, në një intervistë për REL, thotë se sa më parë duhet gjetur një zgjidhje e cila do të jetë e përshtatshme si për nxënësit po edhe për të punësuarit në shkolla, duke ulur rrezikun nga përhapja e sëmundjes COVID-19.
“Që me vetë nisjen e vitit shkollor, pas javës së parë, konstatuam dhe i kërkuam Ministrisë së Arsimit që të bëjë ndryshim në këtë pjesë. Do të thotë, më 7 shtator iu drejtuam Ministrisë së Arsimit dhe të Shkencës dhe thamë që zhvillimi i këtillë i mësimit, përkatësisht mbajtja kaq gjatë e maskave, është e dëmshme dhe paraqet shumë vështirësi dhe propozojmë që orët të shkurtohen, në llogari të kësaj, të zgjatet koha e pushimit, që do të lejojnë jo vetëm që të shkohet në tualet, por edhe të dilet në oborrin e shkollës, që mushkëritë e bardha të mbushen me ajër të freskët, me oksigjen dhe përsëri nxënësit të kthehen në mësim.”
Kjo do të paraqiste lehtësim edhe për arsimtarët, edhe për nxënësit”, thotë për REL, kryetari i Sindikatës së Arsimit, Shkencës dhe Kulturës, Jakim Nedellkov.
Ai thotë se mësimdhënia nën maska, është e vështirë si për mësimdhënësit ashtu edhe për nxënësit.
“Nxënësit, me vetë hyrjen në shkollë, deri në dalje nga shkolla, i bartin maskat, megjithatë, të mos harrojmë edhe arsimtarët që njësoj në të njëjtën kohë kalojnë nën maska, gjë që është jashtëzakonisht vështirë për të mbajtur mësimin, për të marrë frymë, për të marrë ajër cilësor, pa dallim se a ajroset hapësira, klasa, ose jo; arsimtarët dhe nxënësit nxjerrin dioksid karboni dhe po të njëjtin dioksid karboni, sërish e thithin në gjokset e tyre, përkatësisht në mushkëritë e bardha”, thotë Nedellkov.
Mësimdhënësit thonë se në shumë shkolla të vendit, numri nxënësve në një klasë është shumë më i lartë se 24, madje duke shkuar edhe mbi 40 nxënës, ndërkohë që mungojnë hapsirat që nxënësit të ndahen në dy klasë.
Me shtrëngimin e masave për frenimin e koronavirusit të ri, certifikata e marrjes së vaksinës kundër COVID-19, është e detyrueshme për hyrjen në ambientet e mbyllura që kanë më shumë se 30 persona por jo edhe për shkollat.
Në këtë drejtim, drejtori i shkollës “Emin Duraku” në komunën e Sarajit, për Radion Evropa e Lirë, Mubejdin Bajrami, thotë që më shumë se 70 për qind e stafit mësimor në shkollën e tij, është vaksinuar, megjithëse shton se nëse vaksina bëhet e obliguar, atëherë me siguri se të gjithë do paraqiten menjëherë për vaksinim me këtë dhe do të rritet siguria për sa i përket frenimit të koronavirusit të ri.
“Diku 70 për qind e mësimdhënësve në shkollën tonë janë të vaksinuar, pjesa tjetër janë të interesuar të marrin vaksinën. Por ka diku 2 apo 3 mësimdhënës nuk duan të vaksinohen, por nëse vaksina bëhet e detyrueshme për mësimdhënësit, besoj se edhe ata do të vaksinohen”, thotë Bajrami.
Duhet theksuar se edhe Avokati i Popullit i rekomandoi MASH-it që të shkurtohen orët mësimore si dhe t’u lejohet drejtorëve vet t’i organizojnë orët mësimore, në varësi të kushteve me të cilat disponojnë.
Por nga Ministria e Arsimit dhe Shkencës, njoftojnë se më pak se një për qind e nxënësve dhe kuadrit në shkolla fillore dhe të mesme, janë të infektuar me COVID-19.
Prandaj, theksojnë se në bazë të këtyre të dhënave, mund të konstatohet se protokollet janë efektive në uljen e rreziqeve për përhapjen e virusit.
“Numri i rasteve pozitive në baza ditore sillet nga 0.01% deri në 0.03%, por megjithatë kemi më shumë se 240 mijë nxënës me prani fizike, të cilët janë në klasë çdo ditë dhe këto shifra janë vërtet të ulëta”, ka theksuar ministrja e Arsimit dhe Shkencës Milla Carovska./Rel/
Lufta Prigozhin - Putin
Më shumëPDK voton kryesinë e re të partisë - pësojnë ndryshime në pozita disa prej figurave të njohura të kësaj partie
Katër votat kundër Kosovës në Këshillin e Evropës dhe një abstenim, gjithçka që duhet të dini
Pakënaqësi me Ligjin e pagave, Jasharaj paralajmëron protestë më 1 maj - nuk e përjashton mundësinë e grevës
Bedri Hamza i emëruari i PDK-së për kryeministër – kush mund të jenë kandidatët tjerë të partive politike?
Pamje nga të shtënat ku nisi konflikti në Prishtinë, ku humbën jetën dy persona
Nga 3 prilli gjoba të larta për shkelësit e rregullave në trafik - këto janë ndryshimet me Ligjin e ri
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
E zezë klasike, krejt sytë n’ty
Papuçe që t’flen kama n’to- Porositni me zbritje në Telegrafi Deals
Kapni zbritjen – atletet Nike për meshkuj tash me zbritje në Telegrafi Deals!
Kur nuk blen për vete, nuk blen as për kojshi – që do të thotë shfrytëzoje zbritjen në Telegrafi Deals
Sot harroni të gjitha hallet, ZBRITJA në Deals me na shku huq nuk na falet
Më të lexuarat
Njëri nga të kërkuarit për tentim vrasjen në Prishtinë e kishte rrahur reperin Fero në vitin 2018
Stradner: Vuçiq dhe Dodik po përgatisin jetësimin e idesë për "botën serbe"
I pyetur nga Bundesliga se cilit person të famshëm ia ka numrin e telefonit - Xhaka zgjodhi legjendën e futbollit
Mësohet se kush, përveç Serbisë, votoi kundër rekomandimit për anëtarësimin e Kosovës në Këshillin e Evropës
Hoxha: Grupe kriminale serbe po përgatiten për sulm në veri
"Unë thjesht dua të luaj futboll" - Vini Jr me një gjest të shëmtuar në miqësore, Laporte tallet me të pas ndeshjes