Marrëveshja bërthamore e Iranit, SHBA refuzon kërkesën e BE për tu përjashtuar nga sanksionet

SHBA ka kundërshtuar thirrjet e Bashkimit Europian për të bërë përjashtime ndaj kompanive europiane në sanksionet e saj kundër Iranit.

Në një letër drejtuar kombeve evropiane, Sekretari i Shtetit, Mike Pompeo tha se SHBA refuzoi apelin për shkak se dëshiron të ushtrojë presion maksimal ndaj Iranit.

Pompeo nënvizoi në letër se përjashtimet do të bëheshin vetëm nëse ata përfitonin sigurinë kombëtare të SHBA.

BE frikësohet se miliarda dollarë nga tregtia mund të rrezikohen si rezultat i sanksioneve të reja të Washington.

“Ne do të përpiqemi të vendosim presion financiar ndaj regjimit iranian”, shkruhej në letër, e cila gjithashtu u nënshkrua nga Sekretari i Thesarit, Steven Mnuchin, sipas lajmeve të NBC, përcjell oranews.tv.

Në letër shtohej se SHBA nuk do bëjë përjashtime për këtë politikë përveç në rrethana shumë të veçanta.

Sanksionet strikte u imponuan në maj pasi Presidenti Donald Trump u tërhoq nga marrëveshja ndërkombëtare e 2015 për programin bërthamor të Iranit.

Tërheqja e SHBA-së nënkuptonte sanksionet që ishin në fuqi para marrëveshjes do të ri-vendoseshin.