Nëse qytetarët për shkak të problemeve shëndetësore urgjente kanë nevojë për mjek gjatë orës policore, nuk duhet të kërkojnë leje shtesë.

“E parapamë edhe këtë, për shkak se në jetë ndodhin edhe gjëra të paparashikueshme, qytetarët nuk kanë nevojë të kërkojnë në numrat 192, apo të kërkojnë leje shtesë, por duhet të drejtohen në spitalin më të afërt”, tha zëvendësministrja shtesë e MPB-së, Slavjanka Petrovska, përcjell Telegrafi Maqedoni.

Petrovska tha se nëse qytetarët ndalohen nga patrullimet në terren duhet tregojnë lokacionin e saktë të spitalit ku gjendet dhe ata do të evidentohen, ndërsa policia do të kontrollojë nëse personi me të vërtetë ka shkuar në spital.

Rregulla dhe përshtatje në kushte të orës policore në Maqedoni Rregulla dhe përshtatje në kushte të orës policore në Maqedoni

Ndryshe, në Maqedoni për shkak të rrezikut të përhapjes së coronavirusit ka orë policore që zgjatë nga e hëna deri të premten nga ora 16:00 dhe zgjatë deri në 5 të mëngjesit ndërsa gjatë fundjavave është tërësisht e bllokuar lëvizja./Telegrafi/