Ka kohë që po përflitet për performancën madhështore të këngëtares Madonna, në edicionin e sivjetmë të “Eurovision 2019”.
U raportua se paraqitja e saj po rrezikohet për shkak se artistja ende s’e ka nënshkruar kontratën e saj me festivalin, megjithatë duket se ajo do të ngjitet në skenën e madhe.
Këngëtarja 60-vjeçare ka arritur në Izrael mbrëmjen e së martës, raportojnë mediat izraelite.
Madonna arriti në aeroportin e Ben Gurionit me një aeroplan privat, teksa mbante një kapele në kokë, duke mos lejuar paparacët të shohin fytyrën e saj.
מדונה נחתה והיא בדרך למלון דן תל-אביב pic.twitter.com/T8IwA8qKjH
— Eran Swissa (@EranSwissa) May 14, 2019
Videoja në fjalë sjell momentin e aterimit të këngëtares, e cila do të performojë në natën finale në “Eurovision 2019”, të shtunën më 15 maj.
Përndryshe, në radhë është nata e dytë gjysmëfinale e cila mbahet të enjte, dhe në të cilën do të konkurrojë edhe Shqipëria me shpresën për tu kualifikuar në finalen e madhe. /Telegrafi/
