LAJMI I FUNDIT:

Lufta në Siri: Ia vranë fëmijët, nëna hakmerret si snajperiste (Video)

Lufta në Siri: Ia vranë fëmijët, nëna hakmerret si snajperiste (Video)

Lufta civile në Siri e ka shndërruar profesoreshën e anglishtes në frikë dhe tmerr për trupat e Presidentit sirian, Bashar al-Assad.

Gruaja të cilën në qytetin e shkatërruar të Aleppos të gjithë e njohin si “snajperistja”, ndërsa bashkëluftëtarët e thërrasin Guevara, u bashkua me kryengritësit kur fëmijët e saj u vranë në një sulm ajror.

"Nuk do ta harroj kurrë gjakun e fëmijëve dhe ju premtoj se do të hakmerrem për ta”, ka thënë 36 vjeçarja me origjinë nga Palestina, e cila ka humbur vajzën shtatëvjeçare dhe djalin dhjetëvjeçar.

Pavarësisht nga fakti se kalon ditë të tëra në front – në qytetin ku me muaj vazhdon gjakderdhja – dhe mbanë veshur uniformë kamuflazhi, ajo ende mban grim dhe i ka të rregulluara me kujdes vetullat, raporton ditorja britanike The Telegraph. Përveç kësaj, ajo duket se e ka pranuar plotësisht realitetin e ri të jetës së saj.

"Kam parë me qindra kufoma në muajt e fundit. Shumë njerëz u vranë gjatë sulmeve ajrore dhe nga granatimet. Disa herë vet kam qenë pranë bombardimeve dhe e di se vdekja është shumë afër”, thotë ajo.

Ajo tregon se fëmijët e saj u vranë në një shtëpi që u godit nga një predhë artilerie.

"Djali im kishte frikë nga zhurma dhe i thashë atij se unë do ta mbroj të ardhmen e tij, e tash jam betuar se do të marr hak për të”, thotë Guevara.

Një nga gratë e pakta në front tha se “puna” e re e saj kërkon durim, shpejtësi dhe inteligjencë, ndërsa ka shtuar se i pëlqen kjo që bën.

"Më pëlqen lufta, e kur dikush nga bashkëluftëtarët e mi vritet, ndjej nevojë për t’u hakmarrë. Nuk gjuaj derisa të gjithë civilët nuk largohen nga rrugët. Gjuaj vetëm kur ushtarët janë në qytet. I kisha katër deri në pesë shënjestra të qëlluara, e ndjenja është e mirë. Kur qëlloj bërtas: ‘kjo’”, thotë Guevara, duke shtuar se pas gjithë këtyre përjetimeve shpesh zgjohet e lotuar.

Kjo siriane me origjinë palestineze për herë të parë u njoh me armët në kampin ushtarak të Hamasit në Liban, ndërsa kundër regjimin e Assadit e ka luftuar edhe më herët.

"Kur isha duke studiuar, kemi formuar një parti sekrete palestineze, si dhe gazetat e opozitës", thotë Guevara. /Telegrafi/

Në trend Botë

Më shumë
Akulli polar po shkrihet dhe po ndryshon rrotullimin e Tokës - çfarë do të thotë kjo për njerëzimin

Akulli polar po shkrihet dhe po ndryshon rrotullimin e Tokës - çfarë do të thotë kjo për njerëzimin

Botë
Publikohen videot intime në zyre të ushtarakut ukrainas - ai po kërkohet për tradhti kombëtare në Kiev

Publikohen videot intime në zyre të ushtarakut ukrainas - ai po kërkohet për tradhti kombëtare në Kiev

Evropa
Ukrainasit rrëzojnë aeroplanin ushtarak rus që kushton gati 80 milionë euro

Ukrainasit rrëzojnë aeroplanin ushtarak rus që kushton gati 80 milionë euro

Evropa
Organizata Botërore Meteorologjike: Ky është një alarm i kuq për botën

Organizata Botërore Meteorologjike: Ky është një alarm i kuq për botën

Botë
Ajo ngeci në ashensor me njerëz krejtësisht të panjohur, priti ndihmë për katër orë: Historia mori një epilog të pazakontë në Los Angeles

Ajo ngeci në ashensor me njerëz krejtësisht të panjohur, priti ndihmë për katër orë: Historia mori një epilog të pazakontë në Los Angeles

Amerika
Rasti i pazakontë në Kroaci - pensionisti zbret nga një ndërtesë, por jo përmes shkallëve

Rasti i pazakontë në Kroaci - pensionisti zbret nga një ndërtesë, por jo përmes shkallëve

Kroacia
Kalo në kategori