Lidhja Demokratike e Kosovës është e gatshme që të japë kontributin për përfundimin e reformës zgjedhore, duke i kthyer anëtarët e saj në Komisionin e krijuar për përfundimin e këtij procesi. Kreu i Komisionit për Reformën Zgjedhore, Haki Demolli ka deklaruar për Telegrafin se marrëveshja për zonat zgjedhore e arritur ndërmjet liderëve partiakë është lajm i mirë për të ecur përpara. Ndërsa, Avni Zogiani nga organizata Çohu, vlerëson se puna e Komisionit është sabotuar nga vetë liderët politikë.
Partia më e madhe opozitare, LDK-ja, kah fundi i vitit të kaluar kishte tërhequr anëtarët e saj nga Komisioni, duke u arsyetuar se kryeministri Hashim Thaçi qëllimisht po zvarriste përfundimin e reformës zgjedhore. LDK pretendonte se lideri i PDK-së synonte që kështu të krijonte kushtet për të shtyrë sa më shumë mbajtjen e zgjedhjeve, të cilat duhet të mbahen brenda gjashtë muajsh që prej përfundimit të procesit të ndryshimeve kushtetuese dhe zgjedhore.
Vitin e kaluar, kryetari i PDK-së, Hashim Thaçi kishte bojkotuar disa herë takimet e krerëve të partive politike, të cilët janë të obliguar që të dakordohen për çështjen e zonave, listave zgjedhore, pragut zgjedhor, e disa çështje të tjera.
Por, LDK-ja tash vlerëson se punët kanë nisur të ecin pas arritjes së marrëveshjes për një zonë të vetme zgjedhore.
Kryetari i Komisionit për Reformën Zgjedhore, Haki Demolli, nga LDK-ja, ka shpjeguar se gjatë punës së bërë në komision, fillimisht tri partitë e mëdha, PDK, LDK e AAK, kanë përkrahur idenë për të pasur më shumë se një zonë zgjedhore. Por, më pas çështja ishte komplikuar për numrin e zonave.
“LDK-ja fillimisht kishte kërkuar që të ketë 26 zona zgjedhore. Por, më pas ne kemi vendosur që më mirë është të kishte vetëm një zonë, sesa gjashtë zona, siç kërkonte PDK-ja”, ka thënë Demolli.
Ndërsa, Avni Zogiani, nga organizata Çohu, ka thënë se kjo që po ndodhë me reformën zgjedhore është thjesht një mbizotërim i politikës ndaj brengave të kosovarëve për gjetjen e një sistemi zgjedhor që do të reflektojë më saktë vullnetin e tyre.
“Çfarë kuptimi ka krijimi i një komisioni për reformën zgjedhore, nëse kërkesat injorohen dhe nëse në fund vendoset nga dy liderë, ashtu siç ndodhi. Tani është e qartë pse nuk funksionon Komisioni, pasi që ka qenë i sabotuar nga vetë liderët politikë”, ka deklaruar Zogiani për Telegrafin.
Ndërkohë, Ismet Kryeziu nga KDI ka vlerësuar se përcaktimi vetëm për një zonë zgjedhore e cenon demokracinë në Kosovë.
Ai ka deklaruar për Telegrafin se ky vendim është në kundërshtim me Rezolutën e Kuvendit të Kosovës që një ndër pikat kryesore e ka krijimin e zonave zgjedhore.
“Vendimi i për zonat zgjedhore pritet të pasohet me vendimin për mbylljen e listave duke humbur peshën dhe rëndësinë e vetë Komisionit për reformë zgjedhore, i cili tashmë vetëm se do të vulosë vendimet e shefave të partive”, ka thënë Kryeziu. /Telegrafi/
Promo
Reklamo këtuLufta Prigozhin - Putin
Më shumëNga Rubrika
Petrovska: Në koalicionin e OBRM-PDUKM-së ka parti që janë kundër integrimit të Maqedonisë në BE dhe NATO
‘Pikëpyetjet’ për votimin në veri, bëhen me dije rrethanat se si mund të kalojë ose dështojë ky proces
KQZ miratoi listën e qendrave të votimit në veri , Ahmetaj: Janë 23 lokacione në të cilat do të organizohet procesi i votimit më 21 prill
Vetëm edhe një ditë i hapur aplikimi për trajnimin "Mobile Journalism" në fushën e gazetarisë - në fund shpërblehen më të mirët
Pse vendimi i Asamblesë Parlamentare për Kosovën është disfatë historike për Serbinë?
U raportua nga gruaja për dhunë, Inspektorati policor thotë se po e heton drejtorin kundër trafikimit me njerëz në Policinë e Kosovës
Marrëveshja mes Kosovës e Serbisë, Kurti: Në këtë 11-vjetor shteti serb në Peshter të Sanxhakut do të lansojë ushtrime me dronë luftarakë kamikazë
U gjuajtën me armë derisa ishin në veturë, detaje nga rasti që ndodhi në Prishtinë
Maqedonci ngre alarmin: Tensionet vazhdojnë, Serbia nesër do të testojë dronë kamikazë në kufi me Kosovën
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Çfarë janë retë artificiale dhe a shkaktuan përmbytjet e mëdha në Dubai?
Gazeta ukrainase: Pse vendimi i Asamblesë Parlamentare të Këshillit të Evropës për Kosovën është humbje historike për Serbinë
“Vetëm një skuadër në Evropë është më e mirë se Bayern Munich” – legjenda e bavarezëve flet për Tuchel dhe ecurinë e klubit
Parandalohet vrasja e Volodymyr Zelenskyt - arrestohet shtetasi polak që bashkëpunonte me rusët
Zyrtare: Serie A do të ketë pesë skuadra në Ligën e Kampionëve për sezonin 2024/25
Policia serbe e dërgon në paraburgim mërgimtarin nga Gjakova që e arrestoi në kufi