Kryeinspektori sanitar Ibrahim Tërshnjaku, thotë se në ditën e parë të inspektimit me masat e reja të qeverisë janë shumë të kënaqur.

“Qytetarët sot dhe dje kanë respektuar të gjitha masat e vendosura nga qeveria”, tha ai, përcjell Telegrafi.

Tërshnjaku për RTV Dukagjinin ka thënë se nëse ky inspektim do të jetë indikatorë pozitiv në luftën ndaj COVID-19 inspektorët do të zgjasin orarin e punës në 15 orë.

“Është koha për të bërë heroin për të shpëtuar jetë”.

Kryeinspektori sanitar thotë se qytetarët duhet të lënë ahengjet dhe dasmat dhe të reduktojnë ceremonitë mortore aq sa munden.

Tërshnjaku ka treguar edhe numrin e gjobave që janë shqiptuar në këtë ditë ta parë.

“Nga një raport jo shumë i detajuar numri i personave të gjobitur nuk e kalon dhjetën ndërsa vetëm tre persona juridik janë gjobitur”, tha ndër të tjera Ibrahim Tërshnjaku./Telegrafi/