Kongresisti amerikan, Ritchie Torres, ka reaguar ashpër ndaj deklaratave të Kingsley Wilson, Zëvendës Sekretare e shtypit në Departamentin e Mbrojtjes, lidhur me Kosovën.
Wilson kishte deklaruar më parë “Bëje Kosovën Serbi sërish”, deklaratë kjo që sipas Torres është një përpjekje e turpshme për të delegjitimuar Kosovën.
Torres theksoi se Kosova ka qenë dhe vazhdon të jetë aleati më i madh amerikan në Ballkanin Perëndimor, duke refuzuar çdo tentativë për të ndryshuar historinë.
“Çdo përpjekje për të ndryshuar historinë është e kotë. Kosova është dhe do të mbetet një demokraci e pavarur,” shkroi Torres në një postim në “X”.
Administrata e re amerikane emëroi Kingsley Wilson në postin e Zëvendës Sekretarit të Shtypit të Departamentit të Mbrojtjes së Shteteve të Bashkuara.
Me marrjen e detyrës, Wilson njoftoi në rrjetet sociale se ishte e nderuar që u emërua në këtë detyrë dhe se Amerika do të jetë më e fortë se kurrë. /Telegrafi/
Kingsley Wilson, the Deputy Press Secretary for the Department of Defense, is shamefully attempting to delegitimize Kosovo, which has been the single greatest American ally in the Western Balkans.
No amount of historical revisionism can change the fundamental fact that Kosovo… pic.twitter.com/pRSiBoZxt0
— Ritchie Torres (@RitchieTorres) February 26, 2025