Site icon Telegrafi

Kololli pritet të jetë mungesa e madhe e Kosovës ndaj Bullgarisë

Foto: Ridvan Slivova/Telegrafi

Përfaqësuesja e Kosovës e ka pranuar një lajm shumë të keq para ndeshjes eliminatore me Bullgarinë.

Në kuadër të eliminatoreve të kampionatin evropian 2020, Përfaqësuesja e Kosovës ndeshjen e parë do ta luaj kundër kombëtares së Bullgarisë.

Për këtë ndeshje, për fat të keq, trajneri Bernard Challandes nuk do të mund të llogarisë në shërbimet e Benjamin Kolollit.

Lexo po ashtu Raport special i UEFA-s: Kosova po del nga hija, vend me shumë talente të futbollit

Këtë lajm e ka konfirmuar doktori i ekipit përfaqësues të Kosovës, Murat Berisha, i cili ka njoftuar për gjendjen e lojtarit.

“Sot është bërë rezonanca magnetike dhe kemi dal në përfundim që Kololli nuk do të luajë në ndeshjen ndaj Bullgarisë”, ka thënë Berisha për ‘Gazeta Olle’.

Lexo po ashtu Stërvitja e Kosovës para ndeshjes ndaj Bullgarisë - përgatitja e skuadrës për debutimin sa më të mirë në kualifikimet për 'Euro 2020'

Kololli ka qenë ndër lojtarët kyç në formacionin e Challandes në garat e Ligës së Kombeve, ku kishte shënuar dhe asistuar disa herë për Kosovën.

Leart Paqarada pritet të jetë lojtari që do të mbulojë hapësirat e lëna nga ylli i Zurich. /Telegrafi/

Exit mobile version