Koalicioni i Organizatave Joqeveritare në Kosovë, përmes një komunikate dërguar mediave ka thënë se janë duke e monitoruar në vazhdimësi mobilizimin dhe angazhimin e të gjitha komunave në Kosovë rreth situatës së krijuar nga coronavirusi.
Koalicioni i OJQ-ve, ka shprehur shqetësimin rreth asaj që e ka quajtur tendencë të partive politike për politizimin e situatës nëpër komuna, në kohën e pandemisë së coronavirusit.
“Shqetësim tjetër paraqet edhe tendenca e partive politike për politizimin e situatës për qëllime politike, sidomos në ato komuna të cilat udhëhiqen nga partitë e tyre respektive. Partitë politike duhet të mënjanojnë deklaratat politike të cilat nuk përkojnë me autonomin e institucioneve lokale dhe njëkohësisht të ofrojnë ndihmën e tyre përmes institucioneve lokale dhe mekanizmave shtesë të themeluara pas situatës emergjente shëndetësore në nivel vendi, si dhe të bëjnë thirrje qytetarëve për zbatimin e masave dhe rekomandimeve nga institucionet shëndetësore”, thuhet në komunikatë”.
Komunikata e plotë:
“Në kohën e krizës globale të shkaktuar nga pandemia COVID-19, të gjitha institucionet publike janë mobilizuar në zbatimin e masave parandaluese kundrejt eskalimit të situatës. COVID-19 ka prekur shumë komuna të Kosovës. Deri më tani, në 22 nga 38 komunat e Kosovës janë konfirmuar raste me COVID-19. Ndërkaq komuna më e prekur mbetet ajo e Malishevës me gjithsej 62 raste.
Koalicioni i OJQ-ve po e monitoron në vazhdimësi mobilizimin dhe angazhimin e të gjitha komunave në Kosovë rreth kësaj situate. Deri më tani shumica e komunave të Kosovës kanë ndarë buxhet përafërsisht dy milion euro për tu përballur me këtë situatë. Ndërsa komuna e Prishtinës, Gjilanit, Kamenicës, dhe komuna tjera janë duke shfrytëzuar buxhetin kornizë për këto raste.
Ky koalicion vëren se komunat që kanë krijuar shtabet e tyre emergjente, në baza të rregullta dhe të vazhdueshme mbajnë takime dhe komunikojnë ndërmjet tyre me qëllim të koordinimit sa më të mirë të aktiviteteve në zbatimin e masave parandaluese dhe informimin në kohë të publikut. Po ashtu është vërejtur se pothuajse të gjitha komunat, kanë bërë dezinfektimin e institucioneve publike dhe ndërtesat kolektive, ndërsa shumë komuna i kanë bërë edhe dezinfektimin e rrugëve.
Megjithatë, shqetësuese mbetet fakti i mosrespektimit të masave parandaluese për tubimet e qytetarëve nëpër hapësira të caktuara publike ose private, sidomos në zonat rurale, ku vihet në shprehje takimet dhe vizitat familjare. Këto veprime të papërgjegjshme të qytetarëve bien në kundërshtim me udhëzimet e institucioneve shëndetësore dhe masave të ndërmarra nga institucionet relevante në kohën e emergjencës shëndetësore. Komunat duhet të ndërmarrin veprime konkrete në informimin e qytetarëve se veprimet dhe sjelljet e tilla përbëjnë rrezik për përhapjen e virusit tek qytetarët përmes kontaktit dhe se veprimet e tilla janë të ndëshkueshme.
Shqetësim tjetër paraqet edhe tendenca e partive politike për politizimin e situatës për qëllime politike, sidomos në ato komuna të cilat udhëhiqen nga partitë e tyre respektive. Partitë politike duhet të mënjanojnë deklaratat politike të cilat nuk përkojnë me autonomin e institucioneve lokale dhe njëkohësisht të ofrojnë ndihmën e tyre përmes institucioneve lokale dhe mekanizmave shtesë të themeluara pas situatës emergjente shëndetësore në nivel vendi, si dhe të bëjnë thirrje qytetarëve për zbatimin e masave dhe rekomandimeve nga institucionet shëndetësore.
Si organizata të shoqërisë civile ju rekomandojmë komunave që në këtë situatë
-Të bëjnë informimin e saktë të publikut mbi gjendjen aktuale të rasteve me COVID-19 dhe përditësimin e kësaj në baza ditore
-Të koordinojnë aktivitetet me organizatat bamirëse gjatë procesit të ndarjes së pakove ushqimore për familjet në nevojë, të bëjnë këtë proces transparent dhe të mos përjashtohet asnjë familje
-Të bëjnë publike shpenzimet e mjeteve buxhetore të ndara për këto raste, në mënyrë që të largohet dyshimet për keqpërdorim të fondeve
-Të realizojnë vizita të shpeshta nëpër terren, sidomos në lagjet dhe fshatrat e prekura, si dhe të zbatojnë masa shtesë për ndalimin e tubimeve duke u koordinuar me Policinë e Kosovës”.
OJQ-të përkrahëse:
Instituti Demokratik i Kosovës (KDI) – Prishtinë
Asociacioni i të rinjëve për të drejtat e njeriut (YAHR) – Lipjan
Ekovizioni – Podujevë
Forumi i OJQ-ve të Kaçanikut (FOJK), Kaçanik
Iniciativa Qytetare Skenderaj (IQS), Skenderaj
Instituti për qëndrueshmëri dhe zhvillim të rinisë (ISDY) – Prizren
OJQ Fortesa – Kamenicë
OJQ Mundësia – Mitrovicë
Syri i Vizionit – Pejë
Shoqata e Intelektualve të Pavarur (SHIP) – Deçan /Telegrafi/
Lufta Prigozhin - Putin
Më shumëÇka tha diplomati slloven Zhbogar në OKB që u irritua Vuçiqi?
Arrestohen 17 persona në Serbi, falsifikonin dokumente të pronave të serbëve për shqiptarët nga Kosova
Kontrabandë me cigare në Viti, sekuestrohen 500 kg duhan me vlerë mbi 6 mijë euro
Kurti në Gjermani: Kosova e vendosur për anëtarësim në NATO dhe BE
Kuvendi miratoi Projektligjin për zyrtarët publikë
Rezultatet e para përfundimtare në Tetovë, këto janë rezultatet
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
E jotja është mu koncentru, e karriges Gaming me t’rahatu
Karrige që ta relakson mendjen dhe trupin
Knaqja zemrën vetit: Bli fustanin me zbritje në Melodia Px
Autobusi bon me t’ik, a kjo bluzë me zbritje hiç kërqysh!
Sako nga MelodiaPx që t’shton vetëbesim!
Më të lexuarat
Skandali i ri diplomatik i Vuçiqit në New York – ofendoi sllovenët, vjen reagimi i ashpër i Lubjanës zyrtare
KSHZ publikon rezultatet e para përfundimtare, këto janë rezultatet
Bujar Osmani shpall fitore: Dallimi është mbi 40 mijë vota ndaj Taravarit
Del rezultati përfundimtar në Gostivar, këto janë rezultatet
Arrestohen 17 persona në Serbi, falsifikonin dokumente të pronave të serbëve për shqiptarët nga Kosova
Zbulohen dy kërkesat që Laporta ia bëri Xavit në një takim urgjent – njëra ka të bëjë me Guardiolën