Këshilli për Mbrojtjen e të Drejtave dhe Lirive të Njeriut ka thënë sot se bërja publike e emrave me COVID-19 pa pëlqimin e të infektuarve është shkelje e të drejtave të njeriut!
Ky reagim i KMDLNj-së vjen pas deklaratës së kryeministrit se po shqyrtohet mundësia që të bëhen publik emrat e të infektuarve me coronavirus.
Lexoni të plotë reagimin e Këshillit:
Kryeministri i Kosovës, Avdullah Hoti, në një konferencë për media deklaroi se po shqyrtohet mundësia që të bëhen publik emrat e të infektuarve me COVID-19.
KMDLNj mendon se ky vendim, nëse miratohet, mund të ketë qëllim të mirë në aspektin parandalues apo informues për personat e kontaktit mirëpo ia kujton kryeministrit Hoti se ky veprim, pa pëlqimin e të infektuarit shkelë Ligjin mbi Privatësinë dhe, në të njëjtën kohë paraqet shkelje të drejtave të njeriut.
Qeveria e Kosovës duhet të krijojë mundësi që të infektuarit, me vullnetin e tyre dhe në mbrojtje të shëndetit të qytetarëve, ata vet t’i lajmërojnë personat e kontaktit.
Ose, pa pasur nevojë të bëjnë publik emrin e të infektuarve mund të formohet një shërbim i cili do të kontaktonte personat e kontaktit, do t’i thërriste për t’ua bërë testin duke iu rekomanduar edhe masat mbrojtëse.
Kryeministri Hoti dhe Qeveria e Kosovës duhet ta kenë të qartë se ligji i obligon ta respektojnë privatësinë e qytetarëve aq më parë që gjendja shëndetësore në të cilën gjinden nuk është shprehje e vullnetit të tyre por është i imponuar.
Vendosjen e orës policore në komunat me shumicë serbe me rekomandim të Ministria së Shëndetësisë së Kosovës pasi para saj këtë masë e kishte vendosur zëvendëskryeministri i Kosovë, Goran Rakiq e që ishte zbatim i vendimit të Qeverisë së Serbisë sepse u vendosën në të njëjtën kohë, KMDLNj e sheh si përpjekje për të shpëtuar nga përgjegjësia kryetarin e Listës Serbe, Goran Rakiq, ministrin e Shëndetësisë, Armend Zemaj dhe vet kryeministrin Hoti.
Deklaratat e Goran Rakiqit për vendosjen e masave shtrënguese në komunat me shumicë serbe janë publike, të incizuara dhe nuk lënë asnjë mundësi për keqkuptim, aq më parë që këto janë dhënë para vendimit të Qeverisë së Kosovës e që nënkupton se Qeveria e Kosovës e ka noterizuar kundërligjshëm një vendim të Qeverisë së Serbisë.
KMDLNj kërkon përgjegjësi për Goran Rakiq, ministrin Zemaj dhe kryeministrin Hoti. Për Goran Rakiq sepse në vazhdimësi me deklaratat publike por edhe me veprime konkrete punon kundër shtetit të Kosovës , për interes të Serbisë dhe për Aleksandar Vuçiq që e njeh për kryetar në ndërkohë që merr pagë dhe shfrytëzon beneficione nga taksat e taksapaguesve kosovarë.
Ministri Zemaj dhe kryeministri Hoti po e mbrojnë Goran Rakiqin duke e paraqitur vendosjen e orës policore në veri të Kosovës në mënyrë të shtrembëruar, të pavërtetë duke manipuluar me opinionin.
KMDLNj është shqetësuar dhe brengosur për faktin se nuk janë pranuar në punë vullnetarët shëndetësorë të cilët e rrezikuan edhe jetën e tyre kurse u pranuan, në rrethana të dyshimta 200 punëtorë shëndetësorë e që si kriter ishte nepotizmi partiak dhe klientelizmi politikë prandaj, për t’u sqaruar deri në fund, KMDLNj kërkon hetime për këto punësime. /Telegrafi/
Promo
Reklamo këtuLufta Prigozhin - Putin
Më shumëPasuria e majme e kreut të Prishtinës – banesa, rezidencë, veturë Tesla e koleksion pikturash milionëshe
Sa kanë pasuri Osmani dhe Kurti? Dyshja deklaron pasurinë e tyre në Agjencinë për Parandalimin e Korrupsionit
Pasuria e Memli Krasniqit, ai posedon numër të madh të kriptovalutave
Tri shtëpi në Kosovë, një në Shqipëri dhe një vilë - kjo është pasuria e Ramush Haradinajt
Banesë, depo, parking e kursime në bankë – kjo është pasuria e kryeparlamentarit Konjufca
Serwer tregon se pse Serbia i frikësohet anëtarësimit të Kosovës në Këshillin e Evropës
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
‘Hakmarrja’ e Izraelit ndaj Iranit - gjithçka që ndodhi në ditën kritike
Serwer tregon se pse Serbia i frikësohet anëtarësimit të Kosovës në Këshillin e Evropës
Barcelona po nënshkruan mega-kontratë, ajo do t'i sjellë klubit mbi një miliard euro
Treni në Japoni u nis me 17 minuta vonesë: Kur pasagjerët dëgjuan arsyen, askush nuk u zemërua
Pas ‘hakmarrjes’ së Izraelit ndaj Iranit, reagon shefi i NATO-s
Von Cramon: Nëse Kosova e Serbia përfitojnë më shumë nga moszbatimi i marrëveshjeve, vështirë të bëhet diçka në Bruksel