Këto janë metodat më të paimagjinueshme si CIA tentoi ta vriste Castron

CIA duket se kishte planet të çuditshme për të vrarë liderin kuban Fidel Castro, por më i çuditshmi ishte ai i përdorimit të kërpudhave, baktereve dhe rrobave për zhytje.

Arkivi kombëtar i sigurisë së Shteteve të Bashkuara, ka publikuar informacione interesante në të cilat thuhet se Uashingtoni ishte përpjekur të vras Castron, duke ia infektuar rrobat e zhytjes me tuberkuloz, transmeton Telegrafi.

Dokumentet e arkivit të sigurisë, zbulojnë detaje interesante se si qeveria amerikane kishte kontaktuar avokatin James Donovan për të negociuar me Castron. CIA besonte se mund të shfrytëzonte lidhjet e Donovan me liderin kuban, për të vrarë Castron.

Ishte hartuar një plan i fshehtë që gjatë negociatave me Castron, Donovan ti dorëzojë liderit kuban një dhuratë, pasi që të dy ishin adhurues të zhytjes.

Megjithatë, Donovan nuk ishte në dijeni për këtë plan, dhe që rrobat e zhytjes dhe bombolat me oksigjen ishin të infektuara me kërpudha dhe baktere tjera të rrezikshme.

Por ky plan kishte dështuar, kur Milan Miskovsky avokat i CIA-s, i tha Donovan-it që të kontrollojë rrobat nëse dikush i kishte “prekur”.

Në vitin 1963, Castro dhe Donovan ishin takuar, kurse avokati amerikan i kishte dhuruar liderit kubanez një dhuratë. Por pajisjet dhe rrobat për zhytje nuk ishin të infektuara, falë këshillave të Miskovskit.

Ekzistojnë teori të ndryshme konspirative mbi tentim vrasjen e Castros, kurse më e famshmja është ajo e cigares, e cila do të shpërthente në momentin që Castro do ta ndizte.

Por përveç cigares, pik të Castro i kishte edhe luleshtrydhet, të cilat me çdo kusht janë munduar t’ia servojnë por të helmuara. /Telegrafi/