Benny Mardones, muzikanti që njihet më shumë për hitin e tij në vitin 1980 “Into the Night”, ka vdekur pas një beteje 20 vjeçare me sëmundjen e Parkinsonit.

Ai ishte 73-vjeçar.

Vdekja e këngëtarit u konfirmua në ‘Billboard’ nga shoku i tij i ngushtë, Joel Diamond, i cili theksoi se ai vdiq në shtëpinë e tij në Menifee, Kaliforni.

Benny Mardones (Foto: Getty Images/Guliver)

Variety raportoi se ai ishte një vendas i Cleveland dhe u rrit në periferi të Baltimore.

Ai punoi si tekstshkrues përpara se të bëhej artist, ndërkohë që albumin e parë “Thank God for Girls” e publikoi në vitin 1978.

Sidoqoftë, famën e madhe e arriti me lansimin e albumit “Never Run, Never Hide”, pjesë e të cilit ishte edhe hitit “Into the night”.

Balada e këngëtarit u ngjit në numrin 20 dhe arriti në 11 në ‘Hot 100’ të Billboard dy herë brenda një periudhe 10-vjeçare.

Burimi thekson gjithashtu se Benny hyri në shërim për abuzim të substancave në mesin e viteve 1980.

“Kur isha i varur nga droga, Siracuse hapi krahët për mua”, ka thënë ai në vitin 2017. “Kjo më dha jetën time përsëri. Radiot asokohe i interpretuan këngët e mia”.

Në vitin 2000, Mardones u diagnostikua me sëmundjen e Parkinsonit, por vazhdoi të performonte rregullisht deri në mesin e vitit 2010.

Ai ka lënë pas gruan e tij, djalin Michael dhe motrën Louise. /Telegrafi/