Kancelari austriak Karl Nehammer ka ripërsëritur sot se vendi i tij që nuk është anëtar i asnjë Aleance ushtarake dhe se nuk synon t’i bashkohet NATO-s.

Duke folur pas takimit në Pragë me homologun e tij Petr Fiala, kancelari Nehammer tha se historia e Austrisë është ndryshe nga ajo e Finlandës dhe Suedisë, dhe se ky shtet synon të ruaj neutralitetin e tij ushtarak, transmeton Telegrafi.

Megjithatë, theksoi se Austria si anëtare e Bashkimit Evropian ka shfaqur solidaritetin me Ukrainën, duke lejuar që të kryhen dërgesat e armëve në Kiev dhe ka mbështetur sanksionet kundër Rusisë.

Ndërkaq kryeministri çek Fiala tha se kolegu i tij austriak e ka mbështetur idenë e zgjerimit të kapacitetit të naftësjellësit Transalpine (TAL), që përfshin rafineritë e Austrisë, Gjermanisë dhe Çekisë nga terminali në portin italian Trst. /Telegrafi/