Kamerat e sigurisë nxjerrin blof shqiptarin, kapet duke gënjyer policinë italiane (Foto)

Autoritetet italiane kanë arrestuar 3 persona në lidhje me plagosjen në këmbë të Rodeo Sinjarit, më 15 nëntor në qytezën Loano në zonë e Ligurias.

Sipas policisë, 23-vjeçari Senjari është vetëplagosur duke simuluar një sulm për të fshehur prezencën e tij brenda në garazhin që përdorej për fshehjen e drogës dhe të armëve.

Në përfundim të këtij hetimi janë arrestuar për mbajtje të armëve dhe drogës Mauro Silvestri, italian 48 vjeç, si marrësi me qira i garazhit dhe shqiptari Nelson Pisha, 34 vjeç, që e përdorte garazhin njësoj si Sinjari.

Në të njëjtën kohë policia bëri të mundur dhe arrestimin e Sinjarit, i cili gjendet në spital pas plagës të shkaktuar nga një pistoletë me silenciator.

Sipas policisë kishte mospërputhje në atë që 23-vjeçari kishte deklaruar para tyre. Ai kishte treguar që ishte qëlluar nga një i panjohur, i cili ishte larguar më pas me skuter, ndërkohë që 23-vjeçari ishte duke qëndruar në një stol në rrugën Aurelia.

Ky version u hodh poshtë nga autoritetet, pasi nga pamjet e kamerave nuk shfaqej asnjë motor dhe aq më pak i riu i ulur në një stol.

Brenda në garazhin ku u plagos Sinjari u gjetën 5,4 kilogramë marijuanë dhe një pistoletë me silenciator, me të cilën Sinjari është vetëplagosur.

Gjithashtu, autoritetet ndërmorën disa kontrolle të tjera mbi të arrestuarit dhe mbi personat që kanë qëndruar më afër tyre, ku arritën të sekuestronin rreth 20,000 euro, që mendohet se janë përfituar nga shitja e drogës që u gjet në garazh. /tvklan.al/