Në mungesë të tifozëve si pasojë e pandemisë së coronavirusit, klubet janë duke menduar ide kreative për të plotësuar boshllëkun në stadiume.

Serie A pritet të rifillojë më 20 qershor, ndërsa Juventusi mund të projektojë hologramin e Cristiano Ronaldos dhe lojtarëve tjerë në pjesën e ku do të duhej të ishin tifozët në Allianz Stadium.

Italia është një nga vendet më të goditura nga pandemia globale, me ç’rast që nga 9 mars është pezulluar futbolli. Ky sport do të kthehet gjatë qershorit, por natyrisht me dyer të mbyllura.

(Fotoilustrim: The Sun)

Sipas Corriere dello Sport, një prej metodave të propozuara për kampionin në fuqi është shfaqja e superyllit Ronaldo dhe bashkëlojtarëve tjerë në stadiumin e zbrazët.

Ka akoma kohë për ide të reja, por është e qartë se Juve planifikon të ofrojë spektakël duke mos i shpërqendruar lojtarët në fushë. /Telegrafi/