Ndeshja e mbrëmshme gjysmëfinale e Kupës së Mbretit mes Real Sociedad dhe Real Madrid (0:1) është dashur të ndërpritet për një kohë të shkurtër për shkak të sjelljes raciste të tifozëve ndaj lojtarëve mysafirë.
Incidenti ndodhi në momentet e fundit të pjesës së parë kur një tifoz u pa duke bërë lëvizje majmuni drejt anësorit Vinicius Junior.
Braziliani ka qenë edhe më parë shënjestër e sulmeve raciste gjatë karrierës së tij në Spanjë dhe ndeshja e mbrëmshme ishte veçanërisht e rëndësishme për të pasi mbajti për herë të parë shiritin e kapitenit për Realin.
Nga tribuna u dëgjuan edhe thirrjet “Asensio vdis”, drejtuar lojtarit Raul Asensio, ndaj gjyqtari spanjoll Jose Maria Sanchez Martinez aktivizoi protokollin kundër racizmit të La Ligës dhe e ndërpreu ndeshjen.
Un supporter de la Sociedad mime un singe devant Vinicius Jr 🤢
Malheureusement pour lui, la caméra a très bien filmé la scène.
Tu n’es pas et ne sera jamais le problème @vinijr. On ne laissera jamais passer ça.
📹 @VictoriusRM pic.twitter.com/RpX0doJEl0
— Edition Merengue (@EditionMerengue) February 26, 2025
Zyrtarët e stadiumit më pas paralajmëruan tifozët se ndeshja do të ndërpritet apo edhe do të braktiset nëse thirrjet nuk ndalen.
Kujtojmë se një nga incidentet më të famshme lidhur me racizmin dhe Vinicius ka ndodhur gjatë një ndeshjeje jashtë fushe në stadiumin Mestalla të Valencias.
Ky rast rezultoi me arrestimin e tre tifozëve dhe dy vite më parë të njëjtin fat patën edhe tifozët e Atleticos pasi varën në një urë një kukull të veshur me fanellën e Vinicius me sloganin “Madridi e urren Realin”. /Telegrafi