Një ishull në Emiratet e Bashkuara Arabe theu një rekord botëror Guinness me një shfaqje prej 1,100 mesazhesh në shishe.
Zyrtarët e ishullit Saadiyat të Abu Dhabit thanë se mysafirët në hotele të ndryshme në ishull ishin të ftuar të shkruanin mesazhe për dashurinë e tyre për ishullin ose konceptin e dashurisë.
Shënimet më pas u vendosën në shishe dhe u renditën në plazh në formën e frazës “I love Saadiyat Island”, shkruan UPI, transmeton Telegrafi.
Instalacionit iu dha Rekordi Botëror Guinness për shfaqjen më të madhe të mesazheve në shishe.
Organizatorët thanë se instalacioni ishte frymëzuar nga ura Pont des Arts në Paris. /Telegrafi/