Ish-zëvendëskryeministri serb Zharko Koraq ka reaguar pas deklaratës së presidentit Aleksandar Vuçiq lidhur me bërjen të ditur të emrit të kryeministrit në 48 orët e ardhshme.
Koraq që ishte në këtë detyrë gjatë kohës së Zoran Gjingjiqit, gjatë një emisioni në mediet serbe thekson se Vuçiq është vetmi që vendos për çdo gjë në ketë shtet.
“Fakti që Vuçiqi tha që e di emrin e kryeministrit por do ta tregon pas 48 orëve, kjo po duket si një farsë ‘Unë e di, në fakt nuk e di, por do t’iu tregoj, por iu tregova [emrin e mandatarit]…’. Kjo ne aspektin psikologjik tregon vetëm një gjë, tregon qe aj është i vetmi qe vendos ne ketë shtet, që askush nuk din asgjë përveç tij, dhe në ketë mënyrë ai në natyrën e tij autoritare po e rrjep deri ne maksimum dhe praktikisht po ia paraqet tërë shoqërisë”, tha Koraq.
“Ai e ka bordin drejtues, aty do te duhej te diskutohej dhe te jepen argumentet se kush do të ishte më i miri [për mandatar], pastaj te merret mendimi i shumicës se anëtarëve të bordit. Mirëpo, Vuçiq vepron ne atë mënyrë që ‘Unë e di, lërë bordin…!”. Në këtë mënyrë po dërgon mesazh të pandërprerë, mesazh i cili tani për tani është me drastik dhe ajo është që “Për gjithçka në Serbi vendosi vetëm unë!” dhe aj e tha ketë që “Vetëm unë e di se kush do të jetë kryeministri!”, e gjë që është e pabesueshme”, shton ai.
Politologu serb thekson se ky është një mesazh ndaj publikut dhe vartësve të tij partiak.
“Ky është mesazh edhe publikut edhe kolegeve partiak, pra ‘Unë jam ‘shefi’ i Serbisë, unë jam i vetmi qe vendosi, unë jam i vetmi qe i di te gjitha!’. Ky është mesazhi i tij i vazhdueshëm qe ne ketër shtet vendos vetëm një njeri. Pasi po votojnë që 3-4 herë në pushtet atëherë me siguri shumicës se popullit serb po iu konvenon kjo mënyra e qeverisjes së tij”, thekson Koraq.
Ai thotë se mungesa gjashtëmujore e qeverisë tregon se Vuçiq e ka drejtimin e faktik të vendit, duke e keqpërdorur Kushtetutën e Serbisë.
“Këtu eksiton edhe një problem, i cili si duket nuk është problem për shoqërinë tonë. Politikën me rregull duhet ta udhëheq qeveria. Pra, kur një shtet 6 muaj nuk ka qeveri shtrohet pyetja se kush po e udhëheq politiken e shtetit. Presidenti i shtetit nuk e udhëheq politiken, ai e përfaqëson. Kjo shkruan në Kushtetutë. Është fakt që kjo qeverisje është qeverisje faktike dhe Vuçiqi po e keqpërdorë në mënyrë kundër kushtetuese. Pra, ne që 6 muaj nuk kemi institucion i cili, në çdo shtet normal, i udhëheq politikat, e ajo është qeveria”, thotë ai.
Koraq shton se Vuçiq e kërkon një qeveri që nuk ka asnjë fuqie, pra që nuk bartës serioz i politikave në vend.
“Nëse ti ankohesh qe do të jetë një dimër i vështirë, që ka mungesë të emergjentëve, që situata në Evropë është e vështirë, që mund të ketë incidente në Kosovë, etj., atëherë ti duhesh ta formosh një qeveri kompetente. A prezanton njerëz ku dikush e mbështet Rusinë, dikush thotë (si ministrja Mihajlloviq) nuk e mbështes, kryeministrja edhe e mbështet edhe jo, pra aspak nuk ka një tërësi homogjene. Kështu që Vuçiqi e dëshiron këtë lloj qeverie e cila ne fakt s’ka kurrfarë fuqie, e cila nuk ka një qëndrim unik dhe e cila nuk mund të del në publik si një bartës serioz i politikave në Serbi”, shton Koraq.
Po ashtu, ai gjatë kësaj interviste jep shembullin e Stalinit ku pas vdekjes nuk ka mundur t’i afrohet askush, duke e përshkruar atë se çfarë është lideri autoritar.
“Sa i përket ‘liderëve autoritar’. Kur ka vdekur Stalini s’kanë guxuar t’i afrohen tërë ditën. S’po e krahasoj Vuçiqin me Stalinin por vetëm po shpjegoj çka është lideri autoritar. Ai nuk ka zëvendës. Vuçiqi kur nuk do të ketë zëvendës, ai është unik dhe kjo është natyra e këtij lideri. Vuçiqi po i rrezon njerëzit të cilët eventualisht do te mund ta zëvendësonin. Ai po i përdor tabloidet e tij që t’i ‘hanë’ njerëzit rreth tij që kanë bile pak autoritet”, shpjegon ai.
Në fund, Koraq thotë se të gjithë ata ministra që do të emërohen do të marrin vesh vetëm nëpërmjet medieve dhe se në çdo qeveri të Vuçiqit ka pasur më shumë njerëz jokompetent se sa të duhur.
“Jam i bindur që gjysma e ministrave që do t’i cakton si ministra, do ta marrin vesh nga mediat që janë bërë ministra. Në çdo qeveri të Vuçiqit më shume ka pasur njerëz jokompetent sesa kompetent. Kjo është për faktin qe atij nuk i intereson qeveria, ai sillet si ‘perandor’ i vetëshpallur i cili vendos vet. A e keni vërejt ku vazhdimisht thotë ‘Unë duhet ta bëjë këtë, unë duhet ta bëjë atë… E tërë Serbia është mbi supet e mia’. Kjo është e pabesueshme se si po merr përkrahje kaq të madhe [nga votuesit], nga gjysma e qytetarëve të Serbisë”, përfundon Koraq. /Telegrafi/
Promo
Reklamo këtuLufta Prigozhin - Putin
Më shumëNga Rubrika
Një veprim që ka “fituar zemrat në mbarë botën” – oficeri i sigurisë në Mekë ndihmon pelegrinin me aftësi të kufizuara për të parë Qaben
Në Çeki zbulohet një rrjet propagande i financuar nga Rusia
Dy tërmete të njëpasnjëshme godasin Greqinë – mediat sjellin detajet
Publikohen videot intime në zyre të ushtarakut ukrainas - ai po kërkohet për tradhti kombëtare në Kiev
Akulli polar po shkrihet dhe po ndryshon rrotullimin e Tokës - çfarë do të thotë kjo për njerëzimin
Ukrainasit rrëzojnë aeroplanin ushtarak rus që kushton gati 80 milionë euro
Duke ecur në plazhin e Essexit, britanikja gjeti një dhëmb vigani 1.8 milion vjeç
Ajo ngeci në ashensor me njerëz krejtësisht të panjohur, priti ndihmë për katër orë: Historia mori një epilog të pazakontë në Los Angeles
Rasti i pazakontë në Kroaci - pensionisti zbret nga një ndërtesë, por jo përmes shkallëve
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Madam, stili jot lyp këpucë franceze?
E zezë klasike, krejt sytë n’ty
Papuçe që t’flen kama n’to- Porositni me zbritje në Telegrafi Deals
Kapni zbritjen – atletet Nike për meshkuj tash me zbritje në Telegrafi Deals!
Kur nuk blen për vete, nuk blen as për kojshi – që do të thotë shfrytëzoje zbritjen në Telegrafi Deals
Më të lexuarat
Pse Mali i Zi votoi kundër Kosovës në KiE, flet Dritan Abazoviq
Akulli polar po shkrihet dhe po ndryshon rrotullimin e Tokës - çfarë do të thotë kjo për njerëzimin
Hamza: Jam më i mirë se Kurti në qeverisje, kam përvojë më shumë se Abdixhiku - Haradinaj s’do të jetë kryeministër
Publikohen videot intime në zyre të ushtarakut ukrainas - ai po kërkohet për tradhti kombëtare në Kiev
Reagon babai i Olti Hysenit, pas deklaratës 'bombastike' të lojtarit të talentuar
Nënkryetarja e PE-së e thotë hapur se BE-ja gaboi me masat ndaj Kosovës, tregon pse po amnistohet Serbia