Një ish-kryeministër rus beson se presidenti rus Vladimir Putin mund të tërhiqet nga roli dhe të “arratiset” brenda disa muajsh, raporton Sky News, përcjell Telegrafi.

Mikhail Kasyanov tha se janë tre faktorë “në rritje njëkohësisht” që mund të çojnë në rrëzimin e Putinit.

Ushtria ukrainase po rritet dhe ka mbështetjen e SHBA-së dhe të Mbretërisë së bashkuar;

Urdhri i mobilizimit i Putinit po shkakton rritje të trazirave sociale brenda Rusisë, kështu që presidenti po humbet mbështetjen mes rusëve të zakonshëm;

Efekti i sanksioneve perëndimore po rritet.

“Për tre ose katër muaj besoj se do të ketë një ndryshim vendimtar”, tha Kasyanov për Sky News.

Reklama

Ai beson se zyrtarët rusë nuk do të jenë në gjendje ta detyrojnë Putinin të largohet, por ai mund ta marrë vetë vendimin. /Telegrafi/

Reklama