Punimet nuk kanë të ndalur, çdo ditë, me ritëm të lartë e kujdes të shtuar, në Rrugën A në Prishtinë, kompleksi Prishtina Green Residence ka filluar të marr formë.

Punët kanë filluar në fund të gushtit, e sot veç kemi një pamje të qartë të Llamellës A, ku kanë përfunduar tri kate bodrume (garazha -1, -2, -3), dy kate lokale (suteren dhe përdhesë) tri kate banimi dhe aktualisht po vihen shtyllat e katit të IV-të të banimit.

Serioziteti i punës nga investitorët NIC dhe Albion po bën që objekti i ndodhur në qendër të Rrugës A, me 150 metra dalje në rrugë kryesore, Prishtina Green Residence të jetësohet sa më parë.

Përveç Llamellës A, punimet kanë filluar edhe në Llamellën B, ku janë ndërtuar tri kate bodrume (garazha -1, -2, -3) dhe aktualisht janë duke u bërë përgatitjet e vendosjes së pllakës së suterenit (katit të I-rë të lokaleve).

Objekti Prishtina Green Residence në tërësi do të ketë 5 blloqe, me 3 kate nëntokësore që shërbejnë si parkingje (garazha), 2 kate lokale dhe 13 kate banimi.

Duke e ditur rëndësinë e Rrugës A për kryeqytetin si dhe vendndodhjen e Prishtina Green Residence, interesimi për investim çdo ditë sa vjen e shtohet. Investimi në këtë fazë të punimeve është më i leverdishëm për secilin që dëshiron të posedojë banesë për të jetuar apo lokal për biznesin.

Aktualisht Prishtina Green Residence ka marrëveshje për financim të objektit me dy Banka në Kosovë: Raiffeisen Bank dhe TEB Bank, të cilat ju mundësojnë klientëve të tyre financimin për kredi hipotekare.

Për më shumë informata për të investuar, çdo i interesuar mund të kontaktojë zyrën e Prishtina Green Residence në +383 46 87 87 87
?pm=2153080&lid=79142434