Kundërzbulimi i inteligjencës ushtarake të Britanisë së Madhe në raportin më të fundit për luftën në Ukrainë, i ka kushtuar rëndësi të madhe ligjit të ri rus për “agjentët e huaj”, që Kremlini do t’i shfrytëzojë për të shtypur kritikët e luftës në Ukrainë.

Reklama

Kujtojmë që presidenti rus Vladimir Putin ndryshoi ligjin që ishte në fuqi deri në vitin 2012, ku detajet personale përfshirë adresat e të ashtuquajturve “agjentë të huaj” mund të publikohen, që do të thotë se i ekspozohen rrezikut dhe keqtrajtimit, transmeton Telegrafi.

Ky ligj pritet të hyjë në fuqi nga nesër, kurse më herët ligji ka qenë i kufizuar për individët dhe institucionet për të cilat Kremlini pretendonte se kishte marrë mbështetje financiare nga jashtë.

Reklama

Por tashmë ligji shtrihet për të gjithë ata që qeveria vlerëson se janë nën “ndikim apo presion” nga jashtë.

Reklama

“Kremlini ka të ngjarë të veprojë në mënyrë parandaluese për të parandaluar një kryengritje më të madhe në Rusi, duke pasur parasysh se konflikti në Ukrainë vazhdon dhe ndikon gjithnjë e më shumë në jetën e përditshme të rusëve”, thuhet në raport. /Telegrafi/