Imazhet satelitore shfaqin deri në 10 aeroplanë bombardues rusë Tu-22M, të parkuar në një pistë të bazës ajrore ruse Dyagilevo në Rusi.

Reklama

Por pas sulmeve me dron, disa prej tyre në këto imazhe satelitore nuk duken fare, dëshmi se janë shkatërruar, transmeton Telegrafi.

Sipas ekspertëve të fushës së sigurisë deri në gjashtë aeroplanë tjerë bombardues të tipit Tu-95s, janë zhdukur dhe nuk janë parë fare më në imazhet satelitore.

Pavarësisht se rusët tentonin të minimizonin dëmet dhe të thoshin se nuk është ashtu siç po raportohet në tërë botën, këto pamje tregojnë realitetin.

Në anën tjetër për këto sulme brenda territorit të Rusisë, Kremlini ka akuzuar Kievin, duke u zotuar se do të hakmerren për këtë.

Reklama

Ndërkaq Sekretari amerikan i Shtetit, Antony Blinken, ka thënë se ndihmën ushtarake që SHBA ia ofron Ukrainës, nuk nënkupton se e inkurajon Kievin të sulmojë brenda territorit të Rusisë. /Telegrafi/

Reklama