Zëdhënësi i Ministrisë së Shëndetësisë, Faik Hoti, ka publikuar disa karakteristika rreth moshës së pacientëve që deri tash janë trajtuar dhe po trajtohen në Klinikën Infektive.

Përmes një Facebook, Hoti ka thënë se grupmosha e të prekurve me Covid -19 që kanë pasur nevojë më shumë për tretman spitalor është ajo mbi 70 vjeç.

Edhe gjashtë raste me COVID-19, shkon në 132 numri i të infektuarve në Kosovë Edhe gjashtë raste me COVID-19, shkon në 132 numri i të infektuarve në Kosovë

Ndërkaq, ka numër të barabartë të pacientëve të grupmoshave prej 30-39 vjeçe deri në 60-69 vjeçe.

“Në Klinikë deri tash nuk ka pasur të hospitalizuar asnjë pacient me Covid nga grupmosha 10-19 vjeç. Dy pacientë të spitalizuar i takojnë moshës nën 6 vjeçare.

Nga 13 mars-3 prill 2020, në këtë klinikë ka vdekur vetëm një pacient i prekur nga Covid-19, i njëjti ka pasur sëmundje të tjera shoqëruese.

Këto të dhëna janë nxjerrë nga Klinika Infektive dhe grafika është punuar duke ju falënderuar bashkëpunimit edhe me dr. Sadije Namani, infektologe”, ka shkruar Hoti.