Kryeministri i Kosovës, Avdullah Hoti ka marrë pjesë në mbledhjen komemorative për gazetarin Sulejman Gashi.
Në fjalën e tij para të pranishmëve, Hoti tha se Gashi ishte i veçantë edhe në profesionin e tij dhe më gjerë, ishte ndër më të zgjedhurit e kohës së tij.
“Ai i takonte brezit të gazetarëve, publicistëve dhe intelektualëve të një kohe specifike për Kosovën të cilët e morën mbi supe barrën e rrugëtimit të krijimit të shtetit të pavarur të Kosovës, fillimisht duke u ballafaquar me regjimin jugosllav në mbrojtje të të drejtave dhe lirive njerëzore, të shqiptarëve në ish- Jugosllavi.
Ato ishin rrethana të jashtëzakonshme dhe Syla bashkë me kolegët e asaj kohë ditën më së miri të artikulojnë interesat e shqiptarëve në Kosovë dhe t’i mbrojnë ato para qendrave demokratike anë e mbarë botës. Sulejman Gashi do të kujtohet përgjithmonë me pietet për profesionalizmin e tij, për urtësi, për fjalën e peshuar dhe kulturën e lartë të komunikimit publik që kishte”, tha Hoti.
Fjala e tij e plotë:
Disa njerëz janë të paracaktuar për të krijuar vepra mbresëlënëse, dhe kujtime të mira për të gjithë. Ata, kur ndahen nga kjo botë, sigurisht krijojnë zbrazëti të madhe edhe për familje edhe për miqtë e ngushtë, por edhe për shoqërinë në tërësi. Pa dyshim, Sulejman Gashi ishte i veçantë edhe në profesionin e tij dhe më gjerë, ishte ndër më të zgjedhurit e kohës së tij.
Ai ishte emër i njohur i gazetarisë në Prishtinë, veçmas në Radiotelevizionin e Prishtinës, ndërsa më vonë si korrespondent i RTK-së nga Shtetet e Bashkuara të Amerikës. Unë dhe të gjithë ne, i kujtojmë me mall sidomos paraqitjet e tij nga Nju-Jorku, për të dëgjuar lajme nga Uashingtoni, edhe nga qendrat e tjera anë e mbanë botës .
Pra, ai i takonte brezit të gazetarëve, publicistëve dhe intelektualëve të një kohe specifike për Kosovën të cilët e morën mbi supe barrën e rrugëtimit të krijimit të shtetit të pavarur të Kosovës, fillimisht duke u ballafaquar me regjimin jugosllav në mbrojtje të të drejtave dhe lirive njerëzore, të shqiptarëve në ish- Jugosllavi. Ato ishin rrethana të jashtëzakonshme dhe Syla bashkë me kolegët e asaj kohë ditën më së miri të artikulojnë interesat e shqiptarëve në Kosovë dhe t’i mbrojnë ato para qendrave demokratike anë e mbarë botës.
Sulejman Gashi do të kujtohet përgjithmonë me pietet për profesionalizmin e tij, për urtësi, për fjalën e peshuar dhe kulturën e lartë të komunikimit publik që kishte.
Ai do të mbetet përherë një frymëzim dhe një shembull për brezat e rinj, veçmas për ata që do të merren me profesionin e gazetarit.
Zëri i tij do të jehojë përherë në kujtesën tonë si një kujtim i fuqishëm për një njeri të rrallë, që punoi me vetëmohim e me dashuri të madhe për familjen, për institucionin, për atdheun dhe humanizmin në përgjithësi.
Si kryeministër i Republikës së Kosovës, e ndiej për obligim të zotohem se do të punojmë me tërë përkushtimin tonë, në mënyrë që synimet e Sulejmanit dhe të brezit të tij për një Kosovë tërësisht të integruar në familjen e madhe të vendeve të përparuara të qytetërimit euroatlantik të bëhen sa më parë realitet.
Në këtë ditë nderimi, shpirtërisht dhe në lutje jemi së bashku me familjen Gashi!
Zoti e bekoftë Sulejman Gashin!
Qoftë i përjetshëm kujtimi për të! /Telegrafi/
Promo
Reklamo këtuLufta Prigozhin - Putin
Më shumëQeveria vendosi: 24 prilli dhe 8 maji ditë jo pune për të gjithë qytetarët
Shpërthen një granatë dore në oborrin e një shtëpie në Zveçan
Shpërndanin fotografi dhe video të ndryshme intime, kërkohet paraburgim për administratorin e grupit “Albkings"
Knaus: Kosova ta dërgojë draftin e Asociacionit në Kushtetuese para votimit në maj - nëse veprohet sikur javët e fundit do të ketë sukses
Arrestohet një i dyshuar lidhur me rastin e ukrainases që u gjet e vdekur në autostradën Ferizaj-Prishtinë
Komandanti suprem i NATO-s, Cavoli: Po i shtojmë forcat në Kosovë dhe Bosnje, po sjellim artileri të rëndë
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Notat e lojtarëve, Man City 1-1 Real Madrid: Lunin heroi i mbretërve
Komandanti suprem i NATO-s, Cavoli: Po i shtojmë forcat në Kosovë dhe Bosnje, po sjellim artileri të rëndë
Arrestohet një i dyshuar lidhur me rastin e ukrainases që u gjet e vdekur në autostradën Ferizaj-Prishtinë
Sir Alex Ferguson i ofroi lojtarit të Man United 100 mijë euro për t'u tërhequr nga futbolli
Hisen Berisha 'ngacmon' Adelina Ismailin në emision: "Ushtrinë time do ta bëj" ma ke kushtuar mua, sepse po e bëja ushtrinë në atë kohë
Mbretër për Ligën e Kampionëve, Real Madridi fiton ruletin e penalltive dhe eliminon kampionin