LAJMI I FUNDIT:

Horrori në Orikum, burri fjeti dy ditë me gruan e vdekur

Horrori në Orikum, burri fjeti dy ditë me gruan e vdekur

Për ngjarjen që tronditi mbarë opinionin publik, kur Manushaqe Çeliku, 34-vjeçe, u vra në mënyrë makabre nga bashkëshorti i saj Shpëtim Çeliku, 35-vjeç, mëngjesin e të dielës, News 24 sjell fakte të reja tronditëse.

Çifti me origjinë nga Librazhdi prej disa vitesh ishin shpërngulur me banim në Vlorë, pikërisht në një banesë në Orikum, ku ndodhi edhe vrasja.

Shtëpia është ende e papërfunduar, nuk ka dyer e dritare, rrobat qëndrojnë të grumbulluara në një cep, çka të jep përshtypjen se çifti me dy fëmijë dhe të tretin në pritje jetonte në kushtet e një varfërie ekstreme.

Në një nga dhomat e pasuvatuara, ku mungon energjia elektrike ndodhet edhe shtrati ku është gjetur e vdekur 34-vjeçarja. Njollat e gjakut janë aty, sqepari me të cilën ajo u godit për dy ditë të tëra është hedhur në një cep, ndërsa enët e kuzhinës ishin përhapur në dhomën gjysmë bosh, së bashku me copat e bukës dhe gjellën e mbetur në tenxhere.

Gazetari i News 24, ka arritur të sigurojë edhe rrëfimin e dëshmitares së parë të ngjarjes. Ajo quhet Flora Muka, ndërsa dyshon se autori i ngjarjes ka qëndruar dy ditë me gruan e vrarë brenda kësaj shtëpie të improvizuar për jetesë.

Pikërisht denoncimi i saj ka çuar policinë drejt vendit të krimit. Flora ka deklaruar se kishte parë të tensionuar bashkëshortin e viktimës dhe e ka pyetur se ku ndodhej gruaja e tij pasi kishte dy ditë pa e parë.

“E pyeta kur e pashë se ku e kishte gruan, me shaka i thashë mos e ke vrarë o qyq. Ajo nga Vlora në Orikum përditë ecte në këmbë, ai me biçikletë, ndërsa ajo e ndiqte nga mbrapa në këmbë, ishte edhe gjatë muajsh shtatzënë. Ai kishte dy ditë që e kishte vrarë dhe flinte në krevat me të, ky është tmerr”, rrëfen dëshmitarja.

Gruaja sqaron se Shpëtimi nuk dukej një njeri agresor.

“Ditën e dytë pas vrasjes u vesh, mori fëmijët dhe iku”, thotë ajo, ndërsa hedh poshtë dyshimet se vrasja mund të jetë kryer për xhelozi.

“Ajo nuk e nginte kokën, vetëm punonte si kafshë, çfarë xhelozie mund të kishe për të”, shton Flora.

Familja Çeliku tashmë është shpërbërë. Me vrasjen e Manushaqes, bashkëshorti i saj përfundoi në burg, ndërsa dy fëmijët e tyre të mitur në shtëpinë e fëmijës.

Pas ngjarjes së rëndë të ndodhur sot në Orikum, ku shtetasja Manushaqe Çeliku, 34-vjeçe, u vra nga bashkëshorti i saj në mënyrë makabre, vjen edhe reagimi i tezes të saj në Librazhd. Nëna e moshuar e viktimës ka kaluar në gjendje shoku ndërsa i vëllai i saj Sajmir Balla ka kyçur gojën dhe nuk ka pranuar të flasë me derisa të mësojë të vërtetën e këtij krimi.

Ndërkaq Hyrije Rreshka, tezja e viktimës mundohet ti japë kurajo motrës së saj, e cila nuk ka fuqi as tu kthejë përgjigje miqve që i kanë ardhur për ta ngushëlluar. Ajo shprehet e tmerruar nga krimi i rëndë i kryer ndaj mbesës së saj që nuk ishte ankuar për konflikte të forta në familje.

“Shteti duhet të zbardhë motivin dhe të identifikojë autorin e vërtetë të vrasjes së mbesës thotë ajo. Është e tmerrshme dhe e padëgjuar vrasja e gruas shtatzënë nga bashkëshort i saj. Nuk e kuptojmë sesi ky krim nuk u zbulua në kohë por me vonesë aq sa trupi i mbesës të krijonte idenë se vrajsa e saj është kryer shumë kohë më para sa ka thënë policia. Gjithsesi shpresojmë që drejtësia të flasë me ashpërsinë e ligjit sepse ne nuk dimë asgjë rreth të vërtetës së këtij krimi. Ne jemi njoftuar për vrasjen mbrëmjen e të dielës dhe këtë fillim javë i kemi dhënë lamtumirën të ndjerës ndërsa fëmijët i saj i kanë dërguar me urgjencë në jetimore”, rrëfen ajo për News24. /Telegrafi/

Në trend Lajme

Më shumë
Dygjuhësia duhet të merret si avantazh, jo problematikë te fëmijët – Pervizaj flet për hulumtimet e fundit

Dygjuhësia duhet të merret si avantazh, jo problematikë te fëmijët – Pervizaj flet për hulumtimet e fundit

Elfije Boletini
Deklaratat për zgjedhje, Konjufca: Mazhoranca nuk ka vullnet që vendi të shkojë në zgjedhje përmes dorëheqjes së Qeverisë

Deklaratat për zgjedhje, Konjufca: Mazhoranca nuk ka vullnet që vendi të shkojë në zgjedhje përmes dorëheqjes së Qeverisë

Lajme
Lajçak me post të ri nga shtatori

Lajçak me post të ri nga shtatori

Lajme
IKShPK: Regjistrohen 8 raste të Kollës së mirë në Kosovë, prindërit t'i vaksinojnë fëmijët

IKShPK: Regjistrohen 8 raste të Kollës së mirë në Kosovë, prindërit t'i vaksinojnë fëmijët

Shëndetësi
RTK: Ambasadori Berishaj po intervistohet nga Prokuroria Speciale

RTK: Ambasadori Berishaj po intervistohet nga Prokuroria Speciale

Drejtësi
Nga 3 prilli gjoba të larta për shkelësit e rregullave në trafik - këto janë ndryshimet me Ligjin e ri

Nga 3 prilli gjoba të larta për shkelësit e rregullave në trafik - këto janë ndryshimet me Ligjin e ri

Lajme
Kalo në kategori