Horoskopi
Demi
Demi 17 October - 2018
Horoskopi Ditor 10 October - 2018
  • Puna

    Sot është ditë ku ju jeni në top formë.    

  • Shendeti

    Arsyetimet janë të pafundme, kështu që hiqni dorë nga to dhe përkushtojuni ushtrimeve fizike.

  • Dashuria

    Mos u shqetësoni, çdo lidhje i ka vështirësitë e veta, edhe ju do ta kaloni tuajën.

Horoskopi Mujor October
  • Puna

    Organizimi i mirë dhe qëllimet e vendosura qartë do të jenë arma juaj për sukses në këtë muaj. Komunikimi me kolegët është i mirë, mirëpo kanë ngelur disa marrëdhënie të pasqaruara nga periudha e kaluar. Përkrahja e kolegëve tani ju është e rëndësishme, ndërsa mendimi i eprorëve si orientim për hapa të mëtejmë.

  • Shendeti

    Dëgjojeni veten dhe egon tuaj të brendshme, ofroni vetes çdo gjë që ju është e nevojshme. Pushimi, gjumi cilësor dhe ushqimi i pasur janë të rëndësishëm që të mbeteni në formë në këtë periudhë.

  • Dashuria

    Kur është fjala për dashurinë dhe partneritetin, kjo periudhë bart me vete disa sfida në komunikim. Mundësia për grindje dhe tensione në marrëdhënie janë të theksuara, prandaj duhet të jeni të gatshëm. Me fjalë të tjera, mos reagoni shpejt, por qetë dhe në mënyrë të bukur vendosni komunikim cilësor. Është me rëndësi ta dëgjoni partnerin në mënyrën e duhur, por edhe ai juve. Demat e lirë në këtë periudhë janë pak të përmbajtur, prandaj nuk do të hyjnë lehtë në lidhje, mirëpo është rast i mirë për takime dhe shoqërime.

Horoskopi Vjetor 2018
  • Puna

    Në fillim të vitit 2018 do të ballafaqoheni me vështirësi kalimtare në marrëdhëniet me partnerët afaristë lidhur me projektet e mëdha dhe afatgjata të përbashkëta. Do të keni nevojë për përpjekje edhe më të mëdha dhe durim që t’i harmonizoni disa çështje. Do të arrini të përmirësoni marrëdhëniet me bashkëpunëtorët në tremujorin e parë të vitit, kështu që në fillim të pranverës do të keni sukses dhe përparim. Shmangni punët e dyshimta dhe shfrytëzoni mundësinë e cila do t’ju ofrojë që t’i nxirrni në pah cilësitë punuese. Në tremujorin e dytë të vitit do të duhej të përshtateshit me rrethanat të cilat do të jenë të rënduara edhe për punën tuaj në tërësi, si edhe për realizimin e fitimit të pritur. Më 15 maj Urani hyn në shenjën tuaj dhe ju sjell mundësi ndryshimi të punëve ose fillimin e biznesit vetjak. Njëkohësisht do të ballafaqoheni edhe me situatën jostabile në sferën e përgjithshme ekonomike, e cila nga ju do të kërkojë mjaft improvizime dhe përshtatje që të mos ju ndodhin humbje. Marsi do të jetë retrograd në sferën tuaj të punës në korrik, gjë që do të vështirësojë edhe më shumë zhvillimin e projekteve të planifikuara. Në tremujorin e tretë do t’i përmirësoni marrëdhëniet afariste. Nga nëntori punët tuaja do të kenë rrjedhë më të mirë. Do të filloni t’i kompensoni ngecjet dhe do të realizoni suksese dhe fitime. Në sferën financiare do të duhej që çdo gjë me kujdes të planifikoni. Mbështetuni në fitimin nga projektet e mëdha. Në pjesën e dytë të marsit do t’ju ofrohen mundësi të papritura për një fitim të madh. Në prill Merkuri, i cili sundon sferën tuaj të parave, do të jetë retrograd, gjë që do t’ju orientojë drejt zgjidhjes së transaksioneve të mbetura, borxheve dhe kërkesave. Situatë e ngjashme ju pret edhe gjatë gushtit dhe nëntorit kur Merkuri këtë vit do të jetë në ecje retrograde. Shtatori do të jetë muaj i përshtatshëm për investime dhe fitime në rrethana fatlume. Një rrezikim i vogël do t’ju shpaguhet. Demat e papunësuar do të kenë mundësi të volitshme për të filluar punë të re në mars, maj, shtator dhe dhjetor. Shkurti dhe gushti nuk janë në favorin e tyre, kur është fjala për punë të re.

  • Shendeti

    Për Demin rrallë që ekzistojnë sfidat me të cilat nuk mund të përballet. Demat janë të njohur për atë që janë kokëfortë, ata kurrë nuk heqin dorë. Prandaj, shfrytëzoni atë karakteristikë tuajën sivjet, nëse do të detyroheni të luftoni për shëndetin tuaj. Qasuni detyrës logjikisht. Çka është ajo që nuk arrihet? Çka jo? Bëni më shumë nga ajo që jep rezultate pozitive dhe eliminoni gjithë atë që nuk jep. Horoskopi vjetër për Demin 2018 tregon që ka mundësi që të hiqni dorë nga disa kënaqësi, për të cilat nuk jeni plotësisht të gatshëm, mirëpo kur është fjala për shëndetin, është koha e fundit që të hiqni dorë nga shprehitë e pashëndetshme. Mos lejoni që qëndrimi kokëfortë të punojë kundër jush.

  • Dashuria

    Nëse jeni në lidhje: Fillimi i vitit ju sjell harmoni në sferën emocionale, sepse Venera, sunduesi juaj, do të jetë në harmoni me Marsin, pushtues i sferës suaj të dashurisë dhe martesës. Fillimin e pranverës mund ta shfrytëzoni për udhëtime të përbashkëta dhe realizimin e qëllimeve të përbashkëta. Deri në mesin e majit partnerit tuaj do t’i ofroni mbështetje në çdo gjë, do të jeni të zjarrtë por edhe të butë. Partneri juaj do të kënaqet në praninë tuaj. Nga fundi qershorit deri në fund të gushtit do të keni nevojë që t’i përkushtoheni zgjidhjes së një gjëje që një kohë të gjatë po ju shkakton trazira në lidhjen tuaj. Është e nevojshme që të bëni diçka të re që marrëdhënien tuaj me partnerin ta freskoni apo është e domosdoshme që të liroheni nga ajo që ju krijon pengesa. Këtë do ta arrini deri në mesin e nëntorit dhe që të dy do të jeni të kënaqur.   Nëse jeni të lirë: Do t’ju joshë personi i cili do të ndikojë shumë në mënyrë joshëse, karizmatike dhe do të pushtojë zemrën tuaj. Do të keni aventurë të bujshme, mirëpo nuk do të zgjasë shumë, gjithsej dy deri në tre muaj. Në pjesën e dytë të vitit një miqësi mund të shkojë një hap tutje dhe të shndërrohet në lidhje emocionale. Njëkohësisht do të shfaqet edhe dashuria e vjetër dhe do ta keni të vështirë të vendosni nëse ta ripërtërini lidhjen e vjetër apo nga miqësia të filloni marrëdhënien e re emocionale. Në nëntor një person tjetër do t’ju pëlqejë dhe do të filloni lidhjen. Demat e vjetër do të kërkojnë personin e veçantë, i cili, sipas disa karaktereve, dukshëm do të dallojë dhe do të ndikojë në marrëdhënien ndaj ish-dashurive të tyre. Do të keni nevojë për mjaft angazhime dhe ide në mënyrë që atë person të arrini ta bëni për vete kur ta njihni.