Për plot gjashtë muaj, shumë njerëz nëpër botë ndryshuan planet e tyre afatgjata si pasojë e pandemisë COVID-19.
Kjo ngjau edhe me kosovarët që jetojnë në Zvicër, të cilët këta muaj nuk mundën që ta shijonin atdheun dhe kohën pranë familjeve të tyre, kjo pasi që Zvicra kishte marrë vendim që qytetarët e ardhur prej zonave me rrezik të shtuar të përhapjes së koronavirusit, detyroheshin të qëndronin në karantinë, pjesë e së cilës listë ishte edhe Kosova.
Mirëpo nga data 28 shtator, Zvicra e hoqi Kosovën nga kjo listë pasi numri i të infektuarve në vend ra dukshëm javëve të fundit. Dhe kjo bëri që shumë mërgimtarë t’ia mësyjnë atdheut.
Valdrin Basha, një qytetar nga Kamenica, tha se sapo kishte marrë lajmin për këtë vendim të Zvicrës, menjëherë e kishte rezervuar biletën e për vendlindje.
“Të them të drejtën, më duket që jam personi i parë që kom thirr në agjensione dhe kom rezervu biletën. Kosova m’ka mungu në sezonin e verës, jo vetëm mua por të gjithë mërgimtarëve që jetojnë jashtë”, tha Basha.
Ai tha se planet për pushime verore në Kosovë iu prishën.
“Pushimin e verës si të gjithë mërgimtarët e kishim në plan ta kalonim në Kosovë, mirëpo shkaku i pandemisë, u prishën planet, shkaku edhe që Zvicra mori vendim për futjen në karantinë të atyre që ktheheshin nga Kosova. Nuk kemi guxuar që të rrezikojmë me ardhë edhe për atë arsye u prishën planet dhe i shtymë për tetor. Sigurisht edhe puna e tetorit ishte në pikëpyetje deri në momentin e fundit”, deklaroi ai për “Zërin”.
Pritja e gjatë për ardhje në vendlindje i bëri ata të përloten me të zbritur në Aeroportin e Prishtinës.
Teuta Lasku i tha se që shumë kohë është duke e pritur udhëtimin.
“Kemi pas plan me ardhë ma herët, një herë në prill edhe nuk mujtëm, atëherë e kena pas në mend për pushime verore në korrik, por as atëherë nuk mujtëm, ndërsa tash për tash nuk e patëm planifikuar, por mezi s’kena prit me ardhë. Më ka munguar shumë Kosova edhe e kom prit shumë me gëzim me ardh kjo ditë. Jam shumë e emocionuar”, theksoi Lasku.
Shtyrja e datës për ardhjen në atdhe i ndodhi edhe Diana Bushajt, e cila tha se mezi priste të takonte prindërit e saj.
“Verës e kemi pas plan me ardhë, por puna e koronavirusit është shtyrë ardhja. Një javë kena me nejt, ma shumë shkaku i punës, se me qejf tri javë po dojmë me nejt, sepse i kam prindërit e familjen krejt këtu. Jam shumë e emocionuar, s’mund të flas më shumë, emocionohesh është normale”, përfundoi Bushaj.
Ndërkaq zëdhënësi i Aeroportit të Prishtinës, Bujar Gashi tha se pandemia ka ndikuar në numrin e fluturimeve dhe të udhëtarëve.
“Nëse i marrim periudhat neto kohore nga viti 2019, atëherë në Aeroportin e Prishtinës del të jetë rreth minus 65% si në fluturime ashtu edhe në udhëtarë”, tha Gashi.
Ai deklaroi se aeroporti ka punuar me staf të përgjysmuar gjatë kësaj kohe.
“Gjatë gjithë kohës së pandemisë, Aeroporti i Prishtinës ka funksionuar me staf të përgjysmuar, me rreth 50 për qind të stafit, mirëpo kurdo që ka qenë nevoja për rritjen e numrit të stafit atëherë Aeroporti ka qenë i gatshëm që të intervenoj dhe brenda orës të jetë stafi në ambientin e Aeroportit”, theksoi ai.
Se kur do të kthehet normalizimi në Aeroportin e Prishtinës, Gashi thotë se ende nuk dihet, por që shpreson që edhe Gjermania të marrë vendimin e njëjtë si Zvicra për heqjen e detyrimit për karantinim për qytetarët e kthyer nga Kosova.
“Ne si Aeroport marrim shumë pyetje se kur do të fillojë së funksionuari normalisht. Ne jemi duke pritur, s’kemi asgjë zyrtare. Vlen të ceket rasti i Zvicrës i cili lehtësoi masat për të gjithë udhëtarët të cilët fluturojnë për në Zvicër, të cilët nuk detyrohen që të hyjnë në karantinë, masë kjo që është aplikuar deri tani dhe shpresojmë që të njëjtën politikë ta përcjellin edhe vendet tjera të Bashkimit Evropian, sidomos Gjermania”, potencoi Gashi.
Ai tha se aeroporti ndërkombëtar i Prishtinës ka funksionuar në bazë të rekomandimeve nga institucionet relevante për menaxhimin e pandemisë, si Ministria e Infrastrukturës, IKSHPK-ja dhe MSH-ja, ndërsa theksoi se janë marrë masa shtesë për mbrojtjen e shëndetit të udhëtarëve.
Promo
Reklamo këtuLufta Prigozhin - Putin
Më shumëNga Rubrika
LSDM: Oferta e OBRM-PDUKM-së është ofertë për bllokim të BE-së
Osmani falënderon vendet që po e mbështesin Kosovën për anëtarësim në KiE
Këshilli Prokurorial bëhet “pishman”, anulon vendimin që e mori 10 ditë më parë për transferimin e prokurorit Arben Ismajli
Ambasadori Martin Berishaj përfundon deklaratën në Speciale, deklarohet avokati Gashi
Deklarohet ministrja Gorçeviq, Mali i Zi do ta përkrahë në fazën finale anëtarësimin e Kosovës në Këshill të Evropës
Gërvalla pritet në një mënyrë të veçantë në Kalabri, fëmijët këndojnë në gjuhën shqipe
BE: Zbatim i plotë i Marrëveshjes Bazë, pavarësisht vendimit në Këshillin e Evropës
Euro bie sërish në tregun valutor në Shqipëri, arrin në nivelet më të ulëta vjetore
E detyruan të miturën të punonte si valltare dhe të ofronte shërbime seksuale, aktakuzë ndaj dy personave në Prizren
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Madam, stili jot lyp këpucë franceze?
E zezë klasike, krejt sytë n’ty
Papuçe që t’flen kama n’to- Porositni me zbritje në Telegrafi Deals
Kapni zbritjen – atletet Nike për meshkuj tash me zbritje në Telegrafi Deals!
Kur nuk blen për vete, nuk blen as për kojshi – që do të thotë shfrytëzoje zbritjen në Telegrafi Deals
Më të lexuarat
Pse Mali i Zi votoi kundër Kosovës në KiE, flet Dritan Abazoviq
Akulli polar po shkrihet dhe po ndryshon rrotullimin e Tokës - çfarë do të thotë kjo për njerëzimin
Hamza: Jam më i mirë se Kurti në qeverisje, kam përvojë më shumë se Abdixhiku - Haradinaj s’do të jetë kryeministër
Publikohen videot intime në zyre të ushtarakut ukrainas - ai po kërkohet për tradhti kombëtare në Kiev
Reagon babai i Olti Hysenit, pas deklaratës 'bombastike' të lojtarit të talentuar
Nënkryetarja e PE-së e thotë hapur se BE-ja gaboi me masat ndaj Kosovës, tregon pse po amnistohet Serbia