LAJMI I FUNDIT:

Haziri viziton Klinikën Infektive: S’ka asnjë rast të dyshimtë me Covid-19

Haziri viziton Klinikën Infektive: S’ka asnjë rast të dyshimtë me Covid-19

Kryetari i Komunës së Gjilanit, Lutfi Haziri, ka vizituar sot Klinikën Infektive të Spitalit Regjional, ku u informua se deri në këtë moment nuk ka asnjë rast të dyshimtë me Covid-19.

Haziri pas kësaj vizite ka thënë se janë në ditën e 16 në luftën për ta parandaluar këtë pandemi.

“Vazhdojnë masat e njëjta në mënyrë që mos të lejojmë asnjë mënyrë që të përhapet ose me dal nga burimi që e kemi identifikuar. Unë apeloj në veçanti familjes Shaqiri, nuk ka nevojë të shqetësohet, solidarizohemi me ta, nuk ka nevojë të dal nga shtëpia, nuk ka nevojë të vijë në spital, ne i shkojmë në shtëpi kur ka nevojë por krejt koha që duhet me pas mirëkuptim është 14 ditëshi i vetizolimit. Kjo është periudha ku virusi duhet të trajtohet duke qëndruar brenda. Spitali i Përgjithshëm, IKSHP dhe Klinika In fektive janë në vijën e parë të luftës. E falënderoj dr, Burbuqe Shkodra, dr. Ajhane Sefiu dhe dr. Ukshin Ismaili dhe krejt ekipin e mjekëve që 24 orë e shtatë ditë nuk po ndalen në ballafaqimin edhe me rastet tjera, jo vetëm me pandeminë”, tha ai.

Haziri pohoi se do të vazhdohet me masat e njëjta të shtrëngimit, në mënyrë që të mos lejohet përhapja, derisa theksoi se familja Shaqiri nuk ka nevojë për shqetësim.

“Të gjithë e vetizoluarit në Gjilan e kanë kaluar fazën kërcënimit të infektimit por edhe me tutje me dorëza, me maska, me mjete higjienike t’i pastrojmë duart, mos të lejojmë distancë, mos të ketë kontakte të njerëzve edhe më tutje, sepse nuk ka kaluar asgjë, edhe më tutje jemi në situatë të pandemisë, duhet të vazhdojmë të bashkëpunojmë dhe luftojmë bashkërisht. Largimi i masës së kufizimit në qytet ka filluar të përdoret edhe për nevoja të paarsyshme. Unë në apeloj të vetëpërmbahuni, nuk ka nevojë të dilni gjatë ditës edhe pse është lejuar dalja, vetëm me nevoja emergjente, vetëm për nevoja të furnizimit del kryefamiljari ose dikush nga familja, vetpërmbajtja është shpëtim”, tha ai, për KP duke shtuar se në Gjilan nuk ka asnjë rast.

Pas takimit ka folur edhe infektologia Burbuqe Mustafa, drejtoresha e Qendrës Rajonale e Shëndetit Publik, Ajhane Sefiu dhe drejtori klinik i Spitalit të Përgjithshëm, Ukshin Ismaili.

Në trend Lajme

Më shumë
Dygjuhësia duhet të merret si avantazh, jo problematikë te fëmijët – Pervizaj flet për hulumtimet e fundit

Dygjuhësia duhet të merret si avantazh, jo problematikë te fëmijët – Pervizaj flet për hulumtimet e fundit

Elfije Boletini
Deklaratat për zgjedhje, Konjufca: Mazhoranca nuk ka vullnet që vendi të shkojë në zgjedhje përmes dorëheqjes së Qeverisë

Deklaratat për zgjedhje, Konjufca: Mazhoranca nuk ka vullnet që vendi të shkojë në zgjedhje përmes dorëheqjes së Qeverisë

Lajme
Lajçak me post të ri nga shtatori

Lajçak me post të ri nga shtatori

Lajme
IKShPK: Regjistrohen 8 raste të Kollës së mirë në Kosovë, prindërit t'i vaksinojnë fëmijët

IKShPK: Regjistrohen 8 raste të Kollës së mirë në Kosovë, prindërit t'i vaksinojnë fëmijët

Shëndetësi
RTK: Ambasadori Berishaj po intervistohet nga Prokuroria Speciale

RTK: Ambasadori Berishaj po intervistohet nga Prokuroria Speciale

Drejtësi
Nga 3 prilli gjoba të larta për shkelësit e rregullave në trafik - këto janë ndryshimet me Ligjin e ri

Nga 3 prilli gjoba të larta për shkelësit e rregullave në trafik - këto janë ndryshimet me Ligjin e ri

Lajme
Kalo në kategori