Greta Koçi tregon se si një futbollist i njohur shqiptar e kishte ftuar në hotel pa u njoftuar

Këngëtarja e njohur, Greta Koçi, ka qenë e ftuar së fundmi në emisionin “Xing me Ermalin”.

Ajo ka rrëfyer shumë detaje nga jeta dhe karriera e saj, duke cituar faktin se vazhdon të jetë aktive dhe shumë e ngjeshur me punë.

Duke kujtuar momentet interesante nga jeta, këngëtarja tregoi një moment interesant, kur një futbollist shqiptar kishte flirtuar me të.

Greta tregoi se gjithçka kishte nisur në rrjetet sociale, kur futbollisti (emrin e së cilit nuk ia zbuloi), i kishte shkruar fillimisht për ta uruar për një projekt muzikor, dhe kjo ia kishte kthyer me “Faleminderit”.

Lexo po ashtu Të gjitha lajmet nga Estrada Shqiptare

Më pas, Greta tha se pas një muaji ai i kishte shkruar sërish duke ia bërë me dije se ndodhet në një nga hotelet në qendër të Tiranës.

Këngëtarja e mllefosur me komunikimin e çliruar të futbollistit, i ishte kundërpërgjigjur atij në mënyrë satirike.

Pasi ai i kishte thënë të shkonte menjëherë te hoteli, Greta tregoi se me shaka i kishte shkruar se pse duhej të shkonte te ai, ishte sëmurë apo kishte nevojë për ambulancë?

Në momentin që tregoi këtë histori, publiku së bashku me Ermalin filluan të qeshnin me këtë flirt komik që i kishte ndodhur këngëtares me një nga futbollistët e njohur shqiptarë. /Telegrafi/