Numri më i madh i kompanive private në Kosovë udhëhiqen nga meshkujt, ndërsa një numër i vogël i femrave janë pronare të ndonjë kompanie në tregun kosovar, thonë përfaqësuese të organizatave joqeveritare që merren me këtë çështje.
Në Kosovë ekziston një organizatë e quajtur “Gratë në Biznes”, që tashmë numëron afër 50 anëtare, përfshirë bizneset e grave dhe shoqatat që merren me aktivitete ekonomike .
Kjo organizatë ka identifikuar pengesa të shumta që ndalojnë gratë të hyjnë në fushën e ndërmarrësisë, duke filluar nga niveli arsimor i tyre , mungesa e përvojës së grave në biznes, mungesa e financave, e deri te mungesa e mbështetjes institucionale, përfshirë këtu edhe traditat, familjen dhe mentalitetin.
Hamide Latifi, udhëheqëse e kësaj organizate, thotë se autoritetet kompetente duhet të krijojnë një mjedis që përkrah dhe mundëson zhvillim të qëndrueshëm ekonomik, social, kulturor dhe politik, përmes kyçjes se grave në ekonomi.
Ajo thotë se gratë, edhe pse në numër të pakët, kryesisht janë pronare të ndonjë ndërmarrjeje të vogël. “Numri më i madh i grave në Kosovë janë të përfshira në fushën e agro-biznesit ose në fushën e bujqësisë. Po ashtu, ka një numër të madh të tyre, që ofrojnë shërbime gatimi, brumëra të ndryshme, në fushën e tekstilit, por edhe në fushën e shërbimeve, kujdesit të fëmijëve, pastrimi e kështu më radhë”, shprehet Latifi.
Edhe përfaqësuese të Qendrës së Inovacionit të Kosovës, pohojnë se pavarësisht sfidave në këtë fushë, femrat duhet të jenë më të guximshme për të themeluar bizneset e tyre.
Kosovare Krasniqi tregon se kjo qendër synon të rrisë numrin e bizneseve të themeluara nga femrat. “Vetë femrat janë ato që duhet të ndryshojnë për të rritur numrin e femrave pronare. Ato duhet të jenë të vendosura, të kenë vullnet, kurajë. Si femër, për të pasur sukses besoj se duhet të punosh më shumë se meshkujt për të arritur të njëjtin sukses”, thekson Krasniqi.
Në anën tjetër, Mirlinda Kusari- Purrini, udhëheqëse Shoqatës Afariste të Grave, thotë se institucionet qeveritare dhe ato lokale duhet të krijojnë politika favorizuese, dhe të përkrahin gratë që të fillojnë bizneset e tyre. “Nuk është vetëm pengesa financiare, mirëpo janë edhe shumë pengesa të tjera të cilat ato ballafaqohen, siç është kolaterali, të cilën ato e kanë si pengesë të madhe, ku pasuria e tyre nuk është në emër të tyre, mirëpo gjithmonë pasuria regjistrohet në emër të burrit. Janë pengesat e tjera sepse nuk kanë mbështetje institucionale”, thotë Kusari- Purrini
Sidoqoftë, në Kosovë mbi 90 për qind e kompanive drejtohen nga meshkujt, ndërsa më pak se dhjetë për qind menaxhohen nga femrat. Në të shumtën e rasteve, gratë punojnë në sistemin e arsimit, shëndetësisë dhe në administratë publike. /Rel/Telegrafi/
Promo
Reklamo këtuLufta Prigozhin - Putin
Më shumëNga Rubrika
Në mesin e 25 shteteve konkurruese “Zgatar Electronics” fiton çmimin si “Kompania me rritje më të madhe”
Murati: 300 milionë euro është vlera e marrëveshjeve ndërkombëtare që po presin ratifikimin në Kuvend
Mijëra vajza dhe gra zgjedhin UBT-në për zhvillim profesional në sektorin e teknologjisë informative
Nga 26 Qershori, PrishtinaTicket shton dhe një destinacion të ri!
Edhe një ditë ka mbetur nga Panairi më i madh në Kosovë “Horeca”
Shijo detin e krejt stinëve në “Holiday In 2”
Mijëra vajza dhe gra zgjedhin UBT-në për zhvillim profesional në sektorin e teknologjisë informative
Saktësi, efikasitet dhe rehati - Ultratingulli revolucionar SonoMax 9
Nagip Krasniqi shkarkohet nga pozita e kryeshefit të KEK-ut
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
E jotja është mu koncentru, e karriges Gaming me t’rahatu
Karrige që ta relakson mendjen dhe trupin
Knaqja zemrën vetit: Bli fustanin me zbritje në Melodia Px
Autobusi bon me t’ik, a kjo bluzë me zbritje hiç kërqysh!
Sako nga MelodiaPx që t’shton vetëbesim!
Më të lexuarat
Skandali i ri diplomatik i Vuçiqit në New York – ofendoi sllovenët, vjen reagimi i ashpër i Lubjanës zyrtare
KSHZ publikon rezultatet e para përfundimtare, këto janë rezultatet
Bujar Osmani shpall fitore: Dallimi është mbi 40 mijë vota ndaj Taravarit
Del rezultati përfundimtar në Gostivar, këto janë rezultatet
Arrestohen 17 persona në Serbi, falsifikonin dokumente të pronave të serbëve për shqiptarët nga Kosova
Zbulohen dy kërkesat që Laporta ia bëri Xavit në një takim urgjent – njëra ka të bëjë me Guardiolën