Manchester United është i interesuar të transferoj një sulmues të madh për sezonin e ri.
Djajtë e Kuq e morën në huazim holandezin Wout Weghorst nga Burnley, por nuk e kanë opsionin e blerjes së tij përfundimtare.
Kësisoj disa emra janë në listën e Djajve të Kuq, derisa njëri nga ta do të transferohet verës në Old Traford.
Emri i ri në listën e United është sulmuesi portugez Goncalo Ramos, i cili pati paraqitje fantastike edhe në Kampionatin Botëror me Portugalinë.
21-vjeçari ka shkëlqyer këtë edicion me Benfican, ku në 32 ndeshje zyrtare ka realizuar 19 gola dhe ka asistuar në tetë të tjerë.
Erik Ten Hag e pëlqen shumë sulmuesin portugez dhe dëshiron ta ketë nën urdhrat e tij që nga sezoni i ri.
Problem mbetet çmimi i lojtarit, pasi Benfica nuk e ka ndërmend ta lejoj largimin e tij pa fituar 100 milionë euro.
Në listën e United për repartin ofensivë janë edhe emra si Tammy Abraham, Marcus Thuram, Lautaro Martinez dhe Ivan Toney. /Telegrafi/