LAJMI I FUNDIT:

Gjermani, në gjyq çifti i spiunëve rusë

Gjermani, në gjyq çifti i spiunëve rusë

Dy bashkëshortë dolën para gjykatës në Gjermani me akuzën e spiunazhit, në atë që mediat vendase e quajnë si procesi më intrigues që nga fundi i Luftës së Ftohtë.

Andreas dhe Heidrun Anschlag mendohet se janë zhvendosur nga ish-Gjermania komuniste lindore drejt perëndimit 25 vite më parë me pasaporta false. Ata akuzohen se kanë siguruar informacione sekrete fillimisht për Bashkimin Sovjetik e më pas për Rusinë.

Çifti u arrestua në tetor të 2011. Në momentin e arrestimit ata po përpiqeshin të çkodonin një mesazh të marrë nëpërmjet një transmetuesi wireless me valë të shkurtra, transmeton TCH.

Në mediat gjermane ka spekulime se çfarë sekretesh di çifti i spiunëve. Dy vjet më parë, një gjykatë në Mynih dënoi për shitjen e detajeve të prodhimit të një helikopteri një tjetër shtetas. Disa media shkruajnë se pikërisht ky person mund të ketë çuar autoritetet në gjurmët e çiftit, të tjera shkojnë më larg duke thënë se emrat e çiftit të spiunëve mund të kenë dalë nga goja e Anna Chapman, spiunia ruse e arrestuar në Shtetet e Bashkuara dhe e deportuar në Rusi, ku sot bën jetën e një personi të famshëm.

Por ajo që po mundon më shumë autoritetet dhe publikun gjerman është lidhja e mundshme mes agjentëve dhe presidentit Vladimir Putin. Ky i fundit ka shërbyer si agjent i KGB-së në Dresden në vitet 1980, pikërisht në kohën kur dyshohet se çifti ka nisur aktivitetin e spiunazhit dhe pyetja që ngrihet është a ka dijeni Putin për ta?

Analistët i druhen faktit se gjetja fajtorë e çiftit për spiunazh në favor të Rusisë mund të çojë në ftohje të marrëdhënieve mes Rusisë dhe Gjermanisë, shkëmbimet tregtare mes të cilave janë në nivelet maksimale historike. /Telegrafi/

Në trend Botë

Më shumë
Publikohen videot intime në zyre të ushtarakut ukrainas - ai po kërkohet për tradhti kombëtare në Kiev

Publikohen videot intime në zyre të ushtarakut ukrainas - ai po kërkohet për tradhti kombëtare në Kiev

Evropa
Dodik kërkon dëbimin e ambasadorëve të SHBA-së, Britanisë dhe Gjermanisë nga Bosnja

Dodik kërkon dëbimin e ambasadorëve të SHBA-së, Britanisë dhe Gjermanisë nga Bosnja

Bosnja
Ukrainasit rrëzojnë aeroplanin ushtarak rus që kushton gati 80 milionë euro

Ukrainasit rrëzojnë aeroplanin ushtarak rus që kushton gati 80 milionë euro

Evropa
Putin me deklaratë qesharake: Jemi sulmuar, prandaj po luftojmë

Putin me deklaratë qesharake: Jemi sulmuar, prandaj po luftojmë

Evropa
Ajo ngeci në ashensor me njerëz krejtësisht të panjohur, priti ndihmë për katër orë: Historia mori një epilog të pazakontë në Los Angeles

Ajo ngeci në ashensor me njerëz krejtësisht të panjohur, priti ndihmë për katër orë: Historia mori një epilog të pazakontë në Los Angeles

Amerika
Rasti i pazakontë në Kroaci - pensionisti zbret nga një ndërtesë, por jo përmes shkallëve

Rasti i pazakontë në Kroaci - pensionisti zbret nga një ndërtesë, por jo përmes shkallëve

Kroacia
Kalo në kategori