Gjermanët kanë objekt të veçantë për ata që kundërshtojnë karantimin, ka qenë i destinuar për emigrantë – por COVID-19 ka ndryshuar gjithçka

Në Saksoni në shtetin federal në lindje të Gjermanisë, autoritetet dëshirojnë të hapin objektin për akomodimin e atyre që nuk duan të futen në karantinë.

Ministri i atjeshëm i Punëve të Brendshme, ka paralajmëruar që në rajonin e Dresdenit do të hapet kjo qendër, transmeton Telegrafi.

Qeveria ka shqyrtuar akomodimin e atyre që nuk duan të futen në karantinë, megjithatë të gjitha kapacitetet duhet të jenë gati për shkak të gjendjes epidemiologjike.

Objekti i shumëpërfolur në Dresden është ndërtuar në vitin 2016 si qendër pranimi për azilkërkuesit. Megjithatë, ende nuk është përdorur për një qëllim të tillë.

Aktualisht nuk dihet se kush saktësisht do të akomodohet atje, por sipas ministrisë gjermane të Punëve të Brendshme, është e paqartë se sa persona do të pranohen.

Ideja e izolimit të detyrueshëm për personat që refuzojnë të futen në karantinë nuk është diçka e re. Ministrja e Shëndetësisë, Petra Koping qysh në verën e vitit të kaluar, kishte bërë me dije se një masë e tillë është e mundur të ndodhë.

Në fund, një veprim i tillë kërkon edhe vendimin e gjykatës federale.

“Në praktikë, organet kompetente të shëndetësisë propozojnë karantinimin. Pas saj pason paralajmërimi edhe pse ka mekanizma tjera – siç janë dënimet”, pati shtuar Koping. /Telegrafi/