Një situatë e pazakontë dhe për të qeshur ka ndodhur në faqen zyrtare të Jozi Markut në Instagram, e cila menaxhohet nga Top Channel, televizioni që organizon spektaklin Big Brother VIP Albania.
Pas rikthimit të tij në shtëpi, në llogarinë e Jozit u publikua një foto e tij e shoqëruar me një pyetje për fansat: “Si ju duket rikthimi i Jozit në shtëpi?”
Por ajo që e bëri këtë postim të spikaste ishte fakti se komentet ishin të çaktivizuara, duke bërë që asnjë ndjekës të mos mund të përgjigjej në pyetjen që u bë.
Kjo gafë nuk ka kaluar pa u vënë re nga disa fansa të vëmendshëm, të cilët e kanë shpërndarë situatën në Twitter, duke e kthyer në një moment humoristik për ndjekësit e spektaklit.
Vdica me profilin e jozit qe publikon post ben pyetje dhe i mban komentet mbyllur😂😂😂😂😂😂😂😂#bbvipal #bbvipal4 pic.twitter.com/ETgDBqAxCv
— SepsePo 💝🎀 (@dualipasgirl1) February 26, 2025
Jozi, i cili së bashku me G Banin dhe Amberin ishte eliminuar më herët nga gara, u rikthye në shtëpi të martën, pas një televotimi që i dha një mundësi të dytë.
Ndërkohë, duket se administruesit e faqes së tij duhet të jenë më të kujdesshëm në postimet e ardhshme, për të shmangur situata të ngjashme që bëhen burim humori për publikun. /Telegrafi/